Kris Jenner ka qenë shumë e sinqertë për ndërhyrjet plastike që ka bërë gjatë viteve.
Ajo filloi rrugëtimin e saj me operacione estetike në vitet ‘80-të, kur pas lindjes së katër fëmijëve të saj të parë: Kourtney, Kim, Khloé dhe Rob Kardashian, vendosi të bëjë zmadhimin e gjoksit. Që atëherë, ajo ka vazhduar me trajtime të ndryshme si botox, fillera dhe lazer.
Në 2011, Kris bëri facelift-in e parë nga i njëjti doktor që më vonë operoi Kylie Jenner për zmadhimin e gjoksit. Në vitin 2025, ajo kreu disa përmirësime estetike nga një kirurg plastik në New York.
“Duhet të bësh atë që të bën të ndihesh mirë, para së gjithash,” tha Kris në një episod të Good Work në 2015.
“Nuk mund të bësh diçka sepse dikush tjetër do dhe duhet të bësh shumë kërkime për doktorin që zgjedh.”
Zmadhimi i gjoksit në vitet ‘80-të
Kris ka treguar se bëri operacion për zmadhimin e gjoksit në vitet '80-të, pasi kishte lindur katër fëmijët e parë me Robert Kardashian.
“E bëra, pas katër fëmijëve, sepse graviteti bën punën e vet,” tha ajo në Good Work.
Pas rreth 30 vjetësh, Kris ndjeu se implantet ishin bërë të mëdha dhe ndiheshin të rënda, veçanërisht pasi lindi Kendall dhe Kylie-n. Ajo i hoqi dhe vendosi implante më të vogla.
Facelift-i i parë në 2011
Në 2011, Kris bëri facelift për herë të parë, duke lejuar kamerat e Keeping Up with the Kardashians të filmonin gjithë procesin.
“Isha shumë e stresuar atë mëngjes,” tregoi ajo, ndërsa Kim qëndronte pranë saj për t’i dhënë mbështetje. Pas operacionit, Kim i tha: “Mami, dukesh fantastike!”
Kris tha më vonë se kishte shumë besim tek kirurgu Dr. Garth Fisher, i cili gjithashtu bëri edhe operacionin e Kylie-t.
Operacioni për zvogëlimin e lobit të veshit në 2018
Në 2018, Kris bëri edhe një ndërhyrje për zvogëlimin e lobit të veshit, operacion që gjithashtu e dokumentoi në KUWTK. Ajo kishte qenë gjithmonë e shqetësuar për madhësinë e tyre.
Operacioni zgjati rreth 30 minuta dhe u krye nga Dr. Jason B. Diamond në Beverly Hills. Gjatë operacionit, Kim nuk i kurseu komentet e saj plot humor.
Botox dhe fillera për mirëmbajtje
Kris ka thënë se bën botox dhe fillera prej vitesh, madje në 2019 u kujdes të dhuronte kupona për botox për familjen dhe miqtë.
“Për mua, funksionojnë shkëlqyer” tha ajo. “Nëse je i përgjegjshëm dhe flet me doktorin, funksionon.”
Ndërhyrja në legen në vitin 2022
Në 2022, Kris iu nënshtrua një operacioni serioz për ndërhyrë në kockat e legenit, për shkak të dhimbjeve të forta që i pamundësonin ecjen.
“Nuk mund të ecja pa karrige, ishte shumë frikësuese,” tha ajo në një episod të The Kardashians, duke shtuar se ndihesh pas operacionit dhe po shërohet mirë.
Pamja e re në 2025
Në maj 2025, Kris surprizoi fansat me pamjen e saj të rinovuar në një festë, duke ngjallur shumë spekulime.
PEOPLE konfirmoi se ajo kishte bërë përmirësime estetike nga kirurgu i New York-ut, Dr. Steven Levine, i specializuar në ndërhyrje natyrale të fytyrës, gjoksit dhe trupit.
Mohoi se ka bërë rinoplastikë
Kris ka mohuar gjithmonë të ketë rimodeluar hundën e saj.
“Kam të njëjtin hundë me të cilën kam lindur, dhe unë dhe fëmijët e mi” tha ajo në 2015, edhe pse më vonë Khloé pranoi se e ka bërë këtë operacion në 2022.
Në fund, Kris Jenner vazhdon të jetë e sinqertë për ndërhyrjet estetike dhe gjithmonë këshillon: bëni atë që ju bën të ndiheni mirë dhe kërkoni doktorë të besueshëm!
Artikuj të sugjeruar:
Burimi: People
