Pas gati një dekade bashkë, Dakota Johnson dhe Chris Martin thuhet se janë ndarë përfundimisht – dhe jo, këtë herë nuk është “pauzë”.

Sipas një burimi për revistën People, “këtë herë duket përfundimtare”. Çifti, që u lidh për herë të parë në vitin 2017, është parë për herë të fundit bashkë në muajin maj – dhe që atëherë, qetësi. Zero dalje publike. Zero komente. Dhe sipas fansave të tyre, ka diçka që s’po shkon.

Përfaqësuesit e tyre nuk kanë komentuar zyrtarisht, por aktorja ka lënë një “shije ndarjeje” në një intervistë për Los Angeles Times. E pyetur për rolin e saj të fundit, ajo tha:

“Gjithë ajo ndjesi e të mos diturit se ç’duhet bërë me zemrën tënde… e pashë shumë të sinqertë dhe të afërt me realitetin tim.”

Ajo shtoi më tej:

“Për shumë kohë kemi qenë të shpejtë në gjykim kur vjen puna te marrëdhëniet. Pse është ‘keq’ të ndahesh? Pse duhet të martohesh vetëm një herë? Apo në një moshë të caktuar? Pse, në fakt?”

Nëse kjo s’është mënyra më artistike për të njoftuar një ndarje, nuk dimë ç’tjetër mund të jetë.

Çfarë ndodhi mes Dakota Johnson dhe Chris Martin?

Në vitin 2020 u përfol për fejesë, edhe pse nuk pati kurrë konfirmim zyrtar. Në mars 2024, burime për People thanë se ishin “të fejuar prej vitesh”, por “nuk kishin ngut për martesë”. Në gusht, nisën thashethemet për një ndarje, të cilat u mohuan shpejt.

Por thuhet se marrëdhënia e tyre ka pasur luhatje, pauza, e sfida – si çdo lidhje ku karriera është prioritet për të dy. Për momentin, gjithçka është ende në zhvillim. Por fansat ndihen sikur kjo ndarje është vërtet e fundit.

Artikuj të sugjeruar:

_{Burimi: Page Six}