Hëna e plotë në Shigjetar, më datën 11 qershor, bie në një nga shenjat më optimiste dhe aventureske të zodiakut. Çështje që lidhen me udhëtimet, rreziqet, mediat, çështjet globale, dëshirën për dije, apo edhe sensin e humorit, do të jenë në fokus. Disa situata që nisën në dhjetor mund të kulmojnë tani.

Shigjetari është i njohur për stilin e tij të gjallë dhe të zhurmshëm – ndaj emocione të forta dhe një nevojë për reflektim shpirtëror janë mëse të pritshme. Kjo Hënë njihet edhe si “Hëna e Kuqe” - edhe pse në qiell nuk do të duket e tillë, ndikimi i saj është i fuqishëm, i zjarrtë dhe i vrullshëm.

Si ndikon Hëna e plotë e qershorit në çdo shenjë?

Dashi

Kjo Hënë e plotë i jep fund një periudhe udhëtimesh, mësimesh apo kërkimesh drejt drejtësisë. Merr gjithçka ke mësuar këta 7 muajt e fundit dhe përdore për të ndërtuar diçka të vlefshme, veçanërisht në karrierë. Në 12 muajt e ardhshëm, dëshira për të lëvizur mund të zbehet dhe përqendrimi yt do të zhvendoset drejt shtëpisë.

Demi

Koha për të vendosur: do qëndrosh apo do largohesh? Marrëdhëniet personale apo financiare mund të kërkojnë rishikim. Ndjenjat që zakonisht i mban për vete, tani do dalin në sipërfaqe. Foli hapur, me humor dhe pa frikë - sepse fundet sjellin fillime të reja.

Binjakët 

Marrëdhëniet më të afërta janë në qendër. Nëse gjërat ecin mirë, mund të zyrtarizoni një lidhje (romantike ose profesionale). Por Hënat e plota zbulojnë të vërteta - ndaj bisedo hapur për çfarë të shqetëson përpara se të marrësh një vendim të madh.

Gaforrja 

Ti je gjithmonë ai/ajo që merr më shumë përgjegjësi – por këtë muaj, diçka duhet të ndryshojë. Kujdesu për veten përpara se të konsumohesh emocionalisht. Po lodhesh shumë? Jepi vetes kohë për pushim, qetësi dhe kujdes personal. Puna dhe rutina duhet të sjellin kënaqësi, jo lodhje.

Luani

Një Hënë shumë pozitive për ty – në fushën e dashurisë dhe krijimtarisë. Një projekt që ke punuar me pasion mund të sjellë shpërblim emocional. Jepi vetes kohë për kënaqësi, art dhe liri shpirtërore - ndërsa ruan edhe përgjegjësitë.

Virgjëresha

Kjo Hënë ndikon shtëpinë, familjen dhe stilin e jetesës. Nëse ke menduar të ndryshosh vendbanim apo marrëdhëniet me ata që jetojnë me ty, tani mund të ndodhin zhvillime. Mund të të lindë nevoja për një mënyrë jetese më të hapur, të lirë dhe të frymëzuar nga njerëz të ndryshëm.

Peshorja 

Komunikimi është në fokus. Një çështje që lidhet me fqinjët, vëllezërit, transportin apo rrjetet sociale mund të zgjidhet tani. Mos e mbaj për vete suksesin tënd – ndaji lajmet e mira dhe qëndro aktiv/e në biseda e përfshirje sociale.

Akrepi

Paratë dhe vlerat personale janë në qendër të kësaj Hëne. Mund të shlyesh një borxh apo të marrësh një fitim që vjen në momentin ideal. Vlerëso veten, aftësitë dhe vlerat e tua. Kjo Hënë të ndihmon të shuash dyshimet në vetvete.

Shigjetari 

Kjo është Hëna jote! Një cikël personal përfundon dhe mund të ndihesh gati për hapin tjetër të madh. Në vend që të nxitohesh, merr një moment për reflektim dhe rivlerësim përpara se të nisesh në aventurën tjetër të madhe emocionale apo shpirtërore.

Bricjapi 

Mendja jote është e mbushur me kujtime, ide dhe vendime për të marrë. Kujdes nga reagimet e shpejta – nuk janë në stilin tënd. Nëse një plan i nisur muaj më parë po finalizohet tani, shijo frytet dhe mëso nga përvoja. Kjo Hënë mund të sjellë edhe shërim emocional.

Ujori 

Miqësitë dhe ëndrrat e tua janë në fokus. Mund të ndjesh lidhje emocionale të forta me dikë nga rrethi yt ose një ëndërr e kahershme do duket më afër realizimit. Vlerëso lidhjet që të japin kuptim dhe lejo të ikin ato që nuk të përfaqësojnë më.

Peshqit 

Kjo Hënë mund të sjellë një moment të rëndësishëm në karrierën tënde. Mund të marrësh vlerësim, por edhe mund të ndjesh se ke nevojë për më shumë liri dhe autenticitet në punën tënde. Dëshira për të mësuar dhe për të përjetuar më shumë është e fortë tani. Ndiq intuitën – ajo do të të çojë drejt një rruge që të mbush shpirtërisht.

Artikuj të sugjeruar:

_{Burimi: Vogue Australia}