Brooklyn Beckham dhe bashkëshortja e tij, Nicola Peltz, kanë shprehur hapur dëshirën për të sjellë në jetë një fëmijë, ndërsa zërat për përkeqësimin e marrëdhënieve me prindërit e tij, David dhe Victoria Beckham, shtohen gjithnjë e më shumë.

Në një intervistë për revistën Glamour Germany, çifti treguan planet e tyre për të ardhmen, teksa Brooklyn e përshkroi Nicola-n si “një nënë e mrekullueshme në të ardhmen”.

Ndërkohë, Nicola tha:

“Shoh te Brookly-n një baba të mrekullueshëm.”

Duke reflektuar mbi marrëdhënien e tyre katërvjeçare, djali i madh i çiftit Beckham foli me dashuri për përkujdesjen e partneres ndaj katër qenve të tyre, duke bërë edhe një krahasim me mëmësinë:

“Mënyra si kujdeset për ta më tregon se do të jetë një nënë e mrekullueshme.”

Nga ana tjetër, aktorja theksoi rëndësinë e mbështetjes emocionale që merr nga Brooklyn:

“Më pëlqen kur më thotë të ndjek zemrën dhe instinktin tim. Instinkti është zëri që duhet ta dëgjojmë.”

Konfliktet me prindërit

Ndërsa çifti shprehet se janë në një moment shumë të mirë të marrëdhënies së tyre, zërat për konflikte të vazhdueshme me prindërit e Brooklyn-it nuk ndalen.

Madje, Brooklyn dhe Nicola kanë punësuar Jenny Afia, avokaten e njohur që ka përfaqësuar edhe Princin Harry dhe Meghan Markle për të mbrojtur imazhin e tyre.

Por, pavarësisht thashethemeve dhe presionit publik, ata duken të pashqetësuar nga titujt e lajmeve.

“Ne i injorojmë zhurmat.

 Njerëzit gjithmonë do të komentojnë, por ajo që ka rëndësi është që jemi të lumtur bashkë,” tha Brooklyn me bindje.

Artikuj të sugjeruar: