Këngëtarja e njohur Taylor Swift dhe aktorja Blake Lively kanë bërë disa hapa drejt përmirësimit të marrëdhënies, por burime të afërta thonë se miqësia e tyre “nuk është më si dikur.”

Dyshja, që dikur ishin shumë të afërta, nuk kalojnë më aq kohë bashkë së bashku sa më parë. Sipas burimeve për revistën People, “Taylor po përpiqet të ndërtojë sërish besim te Blake, por kjo do të kërkojë kohë.”

Miqësia e tyre daton që prej vitit 2015, teksa përgjatë viteve janë shfaqur shumë herë pranë njëra-tjetrës.

Situata ndryshoi veçanërisht për shkak të përfshirjes së Taylor Swift në betejën ligjore të Lively-t me regjisorin dhe aktorin Justin Baldoni, me të cilin ajo bashkëpunoi në filmin “It Ends With Us”, bazuar në romanin me të njëjtin emër nga Colleen Hoover.

Në dhjetor 2024, Lively ngriti akuza ndaj Baldoni për ngacmim seksual gjatë xhirimeve dhe për një fushatë shpifjeje që synonte dëmtimin e imazhit të saj.

Më pak se dy javë më vonë, ajo e paditi zyrtarisht Baldoni-n për ngacmim seksual, shkelje kontrate, dëm emocional dhe cënim të privatësisë.

Baldoni mohoi të gjitha akuzat dhe ngriti kundërpadi për shpifje dhe shantazh ndaj Lively-t, bashkëshortit të saj Ryan Reynolds dhe ekipit të tyre të PR-it.

Në kundërpadinë e tij, Baldoni përmendi edhe Taylor Swift, duke thënë se ajo ishte e pranishme në një takim në shtëpinë e Blake, ku diskutuan ndryshime në skenarin e filmit. Ai pretendon se Lively iu referua Swift dhe Reynolds si “dragojtë” që e mbrojnë atë, me qëllim për ta kërcënuar që të pranonte ndryshimet në skenar që Blake kishte propozuar.

Gjyqi mes tyre është planifikuar për në mars 2026 dhe do të përfshijë të dy paditë, atë të ngritur nga Lively dhe kundërpadinë e Baldoni-t.

Artikuj të sugjeruar:

Burimi: People