Në eventin “Fashion Show Kids”, moderatoret e UëTëFë-së, Fatosi dhe Kostjani ishin të pranishëm për të mbështetur aktivitetin, ndërsa Erjona Rusi shoqëroi një fëmijë me aftësi të veçanta gjatë pasarelës që u realizua.

Gjatë intervistës për Andale Media, Erjona foli hapur për marrëdhëniet me kolegët e saj të mëparshëm dhe për eksperiencat në karrierë. Si fillim, ajo pranoi se i mungon “Shqipëria Live” dhe veçanërisht moderatori Arjon Muça, të cilin e përshkroi si “djalë flori”:

“Arjoni më mungon shumë. Jemi shumë miq dhe Arjoni është djalë flori dhe më mungon shumë ajo përditshmëria jonë. Është një nga kolegët më fantastikë që kam pasur ndonjëherë sepse është në radhë të parë një njeri shumë i mirë.”

Në lidhje me moderatoren e tanishme të "Shqipëria Live", Sidorela Gjoni, Erjona tha:

“Sidorela e bën mirë në mënyrën e saj, unë mendoj që e kam bërë mirë në mënyrën time, kaq është. Është me eksperiencë, është moderatore e vjetër në profesion.”

Por për marrëdhënien me Florin Gjinin, ajo u shpreh qartë:

“Jo. S’kemi raporte fare. As të mira as të këqija, s’kemi raporte. U mbyll [sezoni], ai vazhdoi karrierën diku tjetër, unë vazhdova të qëndroja aty, te puna ime, te vendi im.”

Pyetjes nëse do të zgjidhte mes Arjon Muçës dhe Florit Gjinit për raportin më të mirë, Erjona nuk hezitoi t'i përgjigjej:

“Arjon Muça. Definitivisht. Pa asnjë lloj mëdyshjeje. Arjoni ha bukë veç. Edhe Albani, se kam punuar dikur dhe me Alban Musën.”

Marrëdhënia mes Erjona Rusit dhe Flor Gjinit ka qenë për një kohë diskutim në media, pasi aludohej për një mosmarrëveshje mes dyshes, që çoi dhe në ndarjen e tyre si bashkëprezantues të mëparshëm të "Shqipëria Live".

Në një intervistë për Aulona Mustën në vitin 2022, Flori deklaroi se nuk ka pasur një raport të ngushtë me Erjonën dhe nuk është këshilluar me të për vendimet profesionale. Ai përmendi se largimi i tij nga “Shqipëria Live” ndodhi në një moment kur ai nuk ishte i përfshirë në mbledhje, ku Erjona kishte shpehur dëshirën për të marrë një rol më të madh në program.

I pyetur nëse e kishte ndjekur programin e ri asokohe të ish-koleges së tij, “S’e luan topi”, Flori komentoi me humor se e kishte parë vetëm në rrjetet sociale dhe i dukej sikur ishte Luana Vjollca:

“Kam parë vetëm një postim në rrjete sociale dhe për të thënë të vërtetën m’u duk si Luana Vjollca. Nuk e kuptova që ishte Erjona.”

Ndërkohë, Erjona tha se aktualisht ndihet mirë në Top Channel dhe është e kënaqur që çfarëdo lloj gjëje të re të provojë, është e hapur, për aq kohë sa e bën në Top Channel, të cilit iu referua disa herë si "shtëpia e vet".

Artikuj të sugjeruar: