Dashuria dhe tërheqja janë një labirint më vete - edhe shkenca po përpiqet ende të gjejë daljen. Por ajo që dimë me siguri është që, ndonjëherë, truri ynë na “ndez dritën jeshile” për arsye shumë më të çuditshme sesa mendojmë. Ja disa prej tyre:

1. Burrat janë më të duruar se gratë

Na ndjeni vajza, por statistikat flasin: nëse gratë dorëzohen pas 7 ditësh nëse nuk marrin përgjigje pas një takimi, burrat presin mesatarisht 11 ditë e gjysmë. Madje, janë 80% më të predispozuar të pranojnë një takim edhe kur “s’ka kimi fareee”.

2. Zëri yt ndryshon kur të pëlqen dikush

Nëse mendon se s’je ndryshe kur je përballë dikujt që të tërheq... mendoje dhe njëherë. Sipas studimeve, kur flasim me dikë që na pëlqen, zëri bie në një ton më të ulët. Dhe po, për të dyja gjinitë. Dhe jo, nuk bëhet me vetëdije.

3. Të bukurit na sabotojnë trurin

Nuk është thjesht çështje “pëlqimi”. Kur shohim dikë shumë tërheqës, përqendrimi ynë thjesht zhduket – dhe këtë e thotë shkenca. Në studime, njerëzit e bukur shpërqendronin pjesëmarrësit edhe gjatë detyrave të vështira mendore. Bukuria të fik trurin. Fjalë për fjalë.

4. Burrat me qen kanë më shumë sukses

Një burrë që ecën me qen në park? Në fakt, ka 3 herë më shumë gjasa të marrë numrin e një vajze sesa një që ecën vetëm.

5. Veshjet e kuqe janë si magnet për meshkujt

Një e vërtetë e pakëndshme: meshkujt reagojnë më shumë kur një grua vishet me ngjyrë të kuqe. Edhe kur stili i veshjes është i njëjtë, ngjyra e kuqe rrit automatikisht mundësinë për një bisedë më të thellë. Po pse ndodh? Askush nuk e di saktë. Thjesht... ndodh.

6. Statusi “flet” – dhe gratë e dëgjojnë

Nëse burrat nuk ndikohen shumë nga statusi ekonomik i një gruaje, e kundërta nuk është e vërtetë. Nëse një burrë shihet në një makinë luksoze, perceptimi për të ndryshon dukshëm. Instinkti evolutiv i “prodhuesit”? Ndoshta. Por fakt është që statusi mbetet magnet për shumicën e grave.

Artikuj të sugjeruar:

_{Burimi: Your Tango}