Jemi zyrtarisht në sezonin e Binjakëve dhe siç e do tradita, vëmendja më e madhe përqëndrohet tek ta deri në 21 qershor. Çfarë e dallon shenjën e pavendosur të Binjakëve fizikisht nga të tjerat?

Fytyra

Sytë nuk janë të mëdhenj, por janë të ndritshëm dhe mund të jenë blu, gri, të kaltër ose në ngjyrë kafe. Shprehja e fytyrës është plot dritë dhe jetë, por gati për të ndryshuar nga momenti në moment. Ata janë nervozë dhe kjo duket sidomos në sytë e tyre të mprehtë.  Buzët janë të plota dhe kur flasin, u lëviz gjithë fytyra. Lëkura ka ngjyrë të zbehtë, por mund te nxihet nga dielli lehtësisht.

Trupi

Shtati i tyre është mesatar, por mund të gjesh edhe persona të shkurtër. Supet janë zakonisht jo shumë të gjera. Trupi i njerëzve të shenjës së Binjakëve bën lëvizje të shpejta dhe atletik. Energjia e tyre është dinamike dhe e gjallë.

Burrat Binjakë

Kryesisht ata janë të gjatë dhe të hollë, me krahë dhe këmbë të gjata.

Gratë Binjakë

Gratë e kësaj shenje kanë trupa elegantë. Kanë fytyrë që shpreh ndjesitë, buzë të plota dhe mishtore.

Veçori të tjera:

Mërkuri, planeti që e udhëheq këtë shenjë, u jep Binjakve një mendje të mprehtë dhe talent në të shkruar e në të folur. Ata flasin shumë shpejt. Mund të bëjnë lëvizjen e radhës kur ju nuk e prisni fare. Këta persona janë disi të praptë në mënyrën sesi sillen. Kur arrijnë të konfuzojnë të tjerët, ata çuditërisht marrin kënaqësi.

Binjakët zakonisht janë ankthiozë dhe ndonjëherë nevrikë, prandaj janë të prirur që t’i shtyjnë gjërat që kanë për të bërë për më vonë. Ata mërziten shumë shpejt me gjërat dhe kjo i bën të ndihen të lodhur dhe të përtojnë që ta mbarojnë atë që kanë marrë përsipër. Binjakët janë të prirur që ta harxhojnë me shumicë energjinë e tyre, duke qënë se merren me shumë gjëra në të njëjtën kohë.

Artikuj të sugjeruar: