Offset bëri një reagim që ra direkt në sy, pasi Cardi B konfirmoi romancën me Stefon Diggs. Pasi reperja publikoi në Instagram një video ku bënte twerk, ish-partneri i saj shkroi në X:
“Promovim i mirë dhe PR”, duke nënkuptuar se romanca e tyre është thjesht për qëllime marketingu.
Gjithashtu, reperi i Migos, 33 vjeç, publikoi edhe një GIF, të një basketbollisti që hidhte topin jashtë kornizës, duke thënë se “sot po pason”.
Ndërkohë, basketbollisti 31-vjeçar, Stefon Diggs, duket se u kundërpërgjigj përmes një postimi bardhë e zi, ku kapte një top, duke thënë me spond se e kapi pasimin e Offset.
Stefon është përfolur për një lidhje të mundshme me Cardi B që nga tetori i vitit të kaluar, kur ajo paraqiti kërkesën për divorc nga Offset.
Cardi u nda nga Offset — emri i vërtetë Kiari Kendrell Cephus — verën e kaluar, ndërsa ishte shtatzënë me fëmijën e tyre të tretë. Vajza Blossom, tanimë 8-muajshe, lindi në shtator 2024. Cardi dhe Offset bashkëprindërojnë gjithashtu për vajzën Kulture, 6 vjeç, dhe djalin Wave, 3 vjeç.
Reperja akuzoi në disa postime në rrjetet sociale ish-bashkëshortin me pretendimin se ka lënë faturat e fëmijëve pa paguar, duke vijuar se ai e ka parë vajzën e tyre të vogël “vetëm 5 herë”.
Artikuj të sugjeruar:
