Xheraldina Vula, e ëma e Ledri Vulës, e ftuar në “Weekend” në Klan Kosova, foli për ndarjen e bujshme të djalit të saj me Sara Hoxhën. Ajo rrëfeu se u befasuan kur Sara dhe Ledri vendosën të ndaheshin, pasi kanë qenë një “çift fantastik”.

“Asnjë prind nuk gëzohet kur ndahet fëmija, ose një çift që ka qenë fantastik. Ne jemi befasuar dhe jemi ndjerë tepër keq. Por nuk është çifti i parë as i fundit. Qejf (të ndahen) nuk kemi pasur fare. Por të rinjtë nuk na pyesin”.

Ajo tregoi gjithashtu se vijon të ketë kontakt me Sarën dhe se ndarja e saj me Ledrin nuk domethënë që është “ndarë” edhe familja e tij me të.

“Unë me Sarën vazhdoj të kem kontakt sepse e kam mbesën. Ndarja e tyre është ndarja e tyre; nuk është ndarja jonë me vajzën dhe Sarën. Nuk kemi asnjë antagonizëm, Sara vjen e viziton gjyshen e Ledrit dhe e sjell vajzën. Marrëdhëniet mes tyre janë tepër korrekte dhe miqësore, por gjera të tilla ndodhin”, tha Xheraldina.

Ndarja e Ledrit dhe Sarës bëri bujë në vitin 2023. Ata, si një ndër (ish-)çiftet më të njohur, kanë pasur gjithnjë vëmendjen publike, ndaj intervistat e Ledrit dhe Sarës janë ndjekur me shumë vëmendje. Sara, nga ana e saj, ka treguar se është shumë mirë pas ndarjes, ndërsa Ledri, për herë të fundit ka ndezur diskutime se ndoshta është në një romancë me Xhensila Myrtezajn. Megjithatë, asgjë nuk është konfirmuar nga Ledri apo Xhensila dhe nuk është përjashtohet mundësia që të jetë thjesht për arsye marketingu.

Sa i përket raportit me Sarën, ai ka folur në "E Diell", ku ka thënë se janë ende miq.

“Jemi shokë akoma me Sarën, çdo gjë e bëjmë për Poin. Nuk e kemi menduar si erdhën gjërat.”

Po ashtu, ai tregoi se lidhja me Sarën ka qenë një histori shumë e bukur, por ndarja erdhi në mënyrë të pashpjegueshme.

“Ndodhin senet (gjërat), jeta. Nuk jam as i pari dhe as i fundit. Me rëndësi është si e vazhdon,” shtoi ai.

Artikuj të sugjeruar: