Që prej rikthimit të saj në skenë në vitin 2022, rrjetet kanë zier me një pyetje të vetme: “Çfarë ka bërë Lindsay me fytyrën?” Lifting? Fillers? Kirurgji? Por, në një intervistë të fundit për Elle, aktorja e “The Parent Trap” u dha fund zërave - dhe e bëri me një dozë ironie që vetëm ajo di ta servirë.

Gjatë bisedës, intervistuesja e komplimentoi për pamjen e saj të freskët dhe energjinë që rrezaton si nënë, duke e cilësuar si një model frymëzimi për shumë gra. Por më pas, publicistja e Lindsay-t u shpreh me shqetësim për mënyrën se si mediat dhe komentuesit janë të gatshëm të mendojnë menjëherë se çdo ndryshim në pamje është rezultat i operacioneve.

Lindsay nuk u përmbajt për thashethemet e facelift-it, duke u shprehur:

“Kur? Me çfarë kohe? Ku, më saktë?”

Me një program të ngjeshur që nuk i lejonte aspak kohë të lirë, ajo i hodhi poshtë të gjitha zërat për ndërhyrje plastike, duke lënë të kuptohet se pas pamjes së saj të bukur qëndron vetëm një stil i shëndetshëm jetese dhe kujdes i vazhdueshëm për veten.

Aktorja tregoi disa nga sekretet e rutinës së saj të bukurisë: pije të shëndetshme me perime dhe fruta, ujë të bollshëm, çaj jeshil, si dhe përkushtim ndaj produkteve natyrale dhe teknologjive moderne si lazerët dhe maskat për sy.

Sipas saj, çdo ndryshim i vërtetë ka ndodhur pas lindjes së djalit të saj, kur për shkak të ndjeshmërisë së lëkurës, ajo ndryshoi dietën dhe rutinën, duke bërë teste alergjie dhe duke eliminuar çdo gjë që i shkaktonte probleme.

Në fund, mesazhi i Lindsay-t ishte i qartë dhe fuqizues: gratë mund të jenë të bukura duke investuar në shëndetin e tyre dhe nuk duhet të ndihen të detyruara të justifikojnë çdo ndryshim të jashtëm. Përtej thashethemeve dhe kritikave, ajo thotë se sekreti është thjesht të bësh atë që të bën të ndihesh mirë, pa u ndikuar nga komentet e të tjerëve.

Artikuj të sugjeruar:

_{Burimi: Yahoo News}