Cassie Ventura ka mirëpritur një anëtar të ri në familje, një djalë të vogël! Këngëtarja 38-vjeçare është bërë nënë për herë të tretë me bashkëshortin e saj, trajnerin personal Alex Fine.

Lajmi vjen vetëm pak ditë pasi Cassie përfundoi një dëshmi të ndjeshme dhe me peshë në gjyqin penal federal kundër ish-partnerit të saj, Sean "Diddy" Combs.

Burime pranë çiftit konfirmuan se Cassie solli në jetë djalin e tyre në një spital të New York-ut, ndërsa TMZ ishte e para që raportoi lajmin. Çifti tashmë janë prindër të dy vajzave, Frankie dhe Sunny.

Në muajin shkurt, Cassie njoftoi shtatzëninë përmes një postimi të ndjerë në Instagram, krahas fotove bardh e zi me bashkëshortin dhe vajzat, ku shfaqej me barkun e rrumbullakosur.

Ky gëzim i ri vjen në një periudhë të ngarkuar për artisten, e cila ishte 8 muaj e gjysmë shtatzënë kur dëshmoi në gjykatë për katër ditë rresht. Në dëshminë e saj, ajo bëri akuza të rënda për trafikim seksual, përdhunim dhe abuzim psikologjik gjatë marrëdhënies së saj 11-vjeçare me P. Diddy-n.

Pavarësisht peripecive të së kaluarës, Cassie duket se po shijon këtë kapitull të ri të jetës familjare, e rrethuar nga dashuria e partnerit dhe fëmijëve të saj.

Artikuj të sugjeruar:

_{Burimi: People}