Një nga çiftet më të ndjekur në rrjetet sociale, “The Wizard Liz” dhe YouTuberi Landon Nickerson, janë ndarë. Lajmin e ka njoftuar vetë Liz përmes një sërë shkrimesh në InstaStory, ndërsa bëri të ditur se shkak i këtij vendimi ishte tradhtia nga Landon.
Situata bëhet ende më e trishtë, pasi ajo është shtatzënë në muajin e katër me fëmijën e tyre të parë.
Si e zbuloi tradhtinë
Ajo tha se fillimisht zbuloi që Landon kishte krijuar një llogari në Snapchat dhe kishte kontaktuar me një vajzë tjetër për t’u takuar.
Pak ditë më pas ajo u përball me prova të tradhtisë së tij. Sipas saj, vajza me të cilën ai e kishte tradhtuar, i nisi shoqes së Liz prova që vërtetonin dyshimet e saj.
“Ndihem e marrë që injorova shenjat dhe ëndrrat që shihja, madje ia tregova edhe atij. Ai më quajti të çmendur. (Dëgjoni intuitën tuaj, gra!)
Burrat duan të udhëheqin botën, por nuk kontrollojnë as dëshirat e tyre. Është dobësi. Një burrë që nuk kontrollon epshin, nuk mund të udhëheqë asgjë.
Jam e thyer dhe e tronditur. Ato që më urrejnë, mund të festojnë dhe kënaqen, por unë gjithmonë do ta kem fjalën e fundit. Ai humbi gjithçka, unë fitova gjithçka. Faleminderit Zot!”
Nga ana tjetër, ajo theksoi se do të shesë unazën e fejesës, me vlerë rreth 100 mijë euro, dhe paratë do t’i dhurojë për nënat që po rrisin fëmijët të vetme.
“Do ta shes unazën time të fejesës (rreth 100 mijë dollarë) dhe paratë do t’i dhuroj për nënat e vetme. Më shumë fuqi për gratë. Amen!”
Megjithatë, ajo kërkoi që ndjekësit të mos e urrejnë Landon, pasi përtej situatës së vështirë, theksoi se ai mbetet babai i fëmijës së saj.
Liz theksoi se kjo situatë e ka lënë zemërthyer dhe të shokuar.
Megjithatë, ajo theksoi se nuk do të krijonte kurrë një narrativë të rreme për rrjetet sociale dhe se gjithmonë përpiqet të jetojë sipas këshillave që jep. Liz njihet për deklaratat motivuese ndaj grave, të cilat i këshillon të duan dhe vlerësojnë veten.
