Një video që po qarkullon me shpejtësi në rrjete sociale tregon një episod të pazakontë mes presidentit francez Emmanuel Macron dhe bashkëshortes së tij, Brigitte Macron, gjatë zbritjes nga avioni presidencial në Hanoi, Vietnam.

Pamjet, të kapura nga agjencia Associated Press, tregojnë çastin kur dera e avionit hapet dhe në vend të një buzëqeshjeje ceremoniale, Brigitte shfaqet me duart në fytyrën e bashkëshortit dhe e shtyn më pas.

Macron duket për një sekondë i befasuar, por rifiton menjëherë qëndrimin e tij dhe përshëndet përmes derës së hapur. Në video, fytyra e Brigitte dhe gjestet e saj nuk janë të dukshme, çka i ka lënë komentuesit të spekulojnë lirshëm.

“Ishte një çast çlodhjeje, një lojë e vogël mes tyre para ceremonisë. Asgjë më shumë,” – tha një burim.

Një tjetër zë zyrtar shtoi se situata po fryhet qëllimisht nga llogari pro-ruse ose kritikë të rregullt të Macron, të cilët mezi presin një video të shkëputur nga konteksti për të ndezur spekulimet.