Përpos lajmit se Dafina Zeqiri i ka dhënë fund bashkëpunimit me menaxherin (dhe kushëririn) e saj Pëllumb Çitaku, nëpër disa portale në Kosovë qarkulluan edhe spekulime mbi gjendjen e martësës me Kreshnik Gjergjin.
Sipas disa burimeve, thuhet se çifti po përballet me “probleme serioze në marrëdhënie” – një raportim që u përhap me shpejtësi në rrjete sociale. Dafina zgjodhi të reagojë menjëherë, duke ndarë në Instagram një postim të @mtvks që mohon qartësisht gjithçka që po flitet.
“Kohët e fundit, disa media online kanë publikuar lajme spekulative për jetën personale të këngëtares së njohur. Midis tyre, është përfolur për një ‘krizë në martesë’, për ‘probleme të brendshme’, madje janë përmendur edhe ‘informacione të konfirmuara nga burime të afërta’. Le ta themi qartë: asgjë nga këto nuk është e vërtetë.”
Në postim gjithashtu theksohet se “Dafina është në një periudhë të bukur dhe shumë personale të jetës së saj – në pritje të ëmbël dhe me mbështetjen e plotë të partnerit dhe familjes së saj”. “Nuk ka asnjë krizë, dhe çdo informacion që pretendon ndryshe është i pavërtetuar dhe i ndikuar nga interesa të tjera.”
Dafina dhe Kreshniku së shpejti do të bëhen prindër të një djali.
