Megan Fox bëri një koment të rrallë në Instagram për shtatzëninë e saj të “paplanifikuar” me ish-partnerin MGK pasi solli në jetë vajzën e saj.

Aktorja ndau në story një klip nga seriali “Overcompensating”, i xhiruar vitin e kaluar gjatë pritjes së fëmijës së saj të katërt. “38 vjeçe. Shtatzënë në javën e gjashtë,” shkroi aktorja.

Në një shënim të mëvonshëm, Fox e quajti shtatzëninë të “paplanifikuar, por surprizë të bukur.”

“Ju lutem ndaloni së dëgjuari patriarkatin. Gratë janë qenie drite të përjetshme. Ne nuk kemi një afat skadence. Mos lejoni t’ju rrëmbejnë fuqinë tuaj,” përfundoi ajo.

Ky ishte postimi i parë i aktores që nga lindja e vajzës me MGK në mars. Konfuzuese është deklarata e mësipërme e aktores që nënkupton se një grua shtatzënë në moshën 38-vjeçare shihet vëngër nga shoqëria. Kjo sepse, nuk është më dhe aq e vërtetë dhe le të jemi të sinqertë: Ti ke qenë gjithmonë në super formë Megan!

Reperi MGK (emri i vërtetë Colson Baker) publikoi një foto të foshnjës në Instagram në kohën kur lindi e bija me mbishkrimin: “Ajo më në fund erdhi!! Farëza jonë qiellore e vogël.” Për shkak të ngatërrimit, MGK sqaroi se emri i foshnjës nuk është "Farëza" dhe se Megan do ta ndajë emrin kur të ndihet gati.

Çifti e bëri publike shtatzëninë në nëntor 2024, dy vjet pasi treguan për një abort të mëparshëm. Ata u ndanë pak pas atij njoftimi dhe tani po rrisin vajzën së bashku.

“Nuk kanë një orar të përcaktuar për kujdesin ndaj vajzës për momentin,”  tha një burim për Page Six muajin e kaluar. “Thjesht duan ta shijojnë këtë periudhë dhe të gëzojnë ardhjen e vajzës.” Edhe pse nuk jetojnë bashkë, MGK “po qëndron me Megan” për të kaluar sa më shumë kohë me foshnjën.

Sipas Us Weekly, në prill, Fox po e rishqyrtonte mundësinë për t’u ribashkuar me MGK, pasi “e ndjente ndryshe energjinë e tij, shikimin, aurën.” Burimi shtoi se “ajo mendon se fëmija ishte pikërisht ajo që atij i duhej dhe shpreson që kjo lidhje të funksionojë.”

Fox ka edhe tre fëmijë të tjerë me ish-bashkëshortin Brian Austin Green. Ndërsa MGK ka një vajzë nga një lidhje e mëparshme me Emma Cannon.

Artikuj të sugjeruar:

_{Burimi: Page Six}