Sean "Diddy" Combs ka thyer heshtjen gjatë gjyqit penal që po zhvillohet ndaj tij. Reperi dhe producenti i njohur—i cili ka deklaruar se është i pafajshëm mbi akuzat për trafikim seksual, përdhunim, përfshirje në organizatë kriminale dhe transport për qëllime prostitucioni—iu drejtua me zë të lartë të pranishmëve në sallën e gjyqit në New York më 20 maj, duke u thënë:

“Ju dua të gjithëve”.

Më tej, sipas People, ai shtoi me zë të ulët: “Po! Dashuri!”. Pasi shprehu dashurinë e tij, iu drejtua një gruaje në sallën e gjyqit, duke i kërkuar që të transmetojë një mesazh për djalin e tij 31-vjeçar: “Të lutem, thuaji Justin-it që mendoj për të”.

Kur të gjithë menduam se ai do të reagonte ndaj ndonjë dëshmia, apo do të këmbëngulte se është i pafajshëm, ikona e industrisë muzikore zgjodhi që të kishte një qasje më të ngrohtë ndaj të pranishmëve në gjyq.

Diddy ka shprehur edhe më parë dashurinë e tij gjatë gjyqit, ndonëse më parë me gjeste. Gjatë seancës të 13 majit, themeluesi i “Bad Boy Records”, krijoi një zemër me duar, sipas skicave të publikuara gjatë gjyqit.

Diddy ende nuk ka dhënë dëshminë e tij, por njerëz të tjerë kanë dhënë dëshmi tronditëse mbi përvojat e tyre me P.Diddy-n.

Një ndër dëshmitarët kyç të gjyqit, Cassie Ventura, ish-e dashura e Diddy-t ka treguar se ka marrë pjesë në “freak-offs”, festa seksuale, ku ishin të pranishëm edhe zhigolo. Këngëtarja tregoi se ishte e detyruar “të performonte” edhe kur ishte me menstruacione ose edhe kur vuante nga infeksione të dhimbshme të traktit urinar, duke pretenduar se Diddy e kërcënonte me publikimin e pamjeve eksplicite të festave.

Cassie dhe Diddy ishin të lidhur për 11 vjet. Ajo më në fund, u nda nga reperi në vitin 2018. “Gjithnjë mendoja se do të më lëndonte”, tha ajo në një prej dëshmitë e saj.

Artikuj të sugjeruar: