Justin Bieber i kërkoi falje publike bashkëshortes së tij, Hailey Bieber. Pas publikimit të kopertinës së kësaj të fundit në Vogue më 20 maj, këngëtari publikoi foto nga xhirimet dhe ndau me ndjekësit një histori. Në postimin e tij në Instagram, ai zbuloi se dikur i kishte thënë Hailey-t se "nuk do t'ia dilte kurrë të ishte në kopertinën e Vogue."
Por, mesa duket asokohe ishte gabuar, pasi koha tregoi të kundërtën, ndaj pa të arsyeshme të kërkonte falje.
"Kjo më kujton kur Hailey dhe unë patëm një zënkë. I thashë se nuk do të ishte kurrë në kopertinën e Vogue," shkroi ai.
Më tej, Justin theksoi se këto fjalë i tha pasi ishte ndier keq gjatë debatit.
"Mendoj se ndërsa rritemi, kuptojmë se nuk rregullojmë asgjë duke kërkuar hakmarrje," vazhdoi ai.
Ai përfundoi postimin duke i kërkuar falje Hailey-t.
“Zemër, tashmë e di, por më fal që të kam thënë se nuk do të ishe në kopertinën e Vogue."
Ky rrëfim nuk u prit shumë mirë nga fansat.
"Ne të gjithë të duam, por ky përshkrim është shumë i dhimbshëm. Hailey e meriton të jetë në një milion kopertina të Vogue," shkroi një përdorues në mbështetje të Hailey-t.
Një tjetër shkroi:
"Do të isha zemëruar nëse do isha në vendin e saj. Tani, e gjithë bota e di se ai ka thënë këto gjëra dhe ajo ka qëndruar akoma me të. Asnjë grua nuk e meriton këtë."
Si pasojë e reagimeve në rrjet, Justin e fshiu përshkrimin e fotos, duke vendosur vetëm disa ikona.
View this post on Instagram
Artikuj të sugjeruar:
