Shëndeti

Që nga faktorët e deri te parandalimi: Ç’duhet të dini për fazën 0 të kancerit të gjirit

Shkruar nga Anabel

20 Maj 2025

Që nga faktorët e deri te parandalimi: Ç’duhet të

Tina Knowles, e ëma e Beyoncé-s, ka zbuluar se vitin e shkuar është diagnostikuar me kancer gjiri në fazën 0, gjatë një mamografie rutinë. Sot, Tina është kuruar dhe ka vendosur theksin te kujdesi ndaj vetes dhe rëndësia e check-up-it.

Nisur nga rasti i saj, të tregojmë më shumë mbi kancerin në këtë fazë.

Faza 0 e kancerit të gjirit, ose karcinoma in situ duktale (DCIS), ndodh kur ka qeliza jonormale në kanalet e qumështit, por këto qeliza nuk janë përhapur përtej murit të kanalit për të arritur indet përreth, rrjedhën e gjakut ose nyjet limfatike.

DCIS është joinvaziv dhe nganjëherë quhet "parakancer". Sidoqoftë, DCIS ka potencialin të bëhet invaziv (joinvazive – procedurë mjekësore që nuk përfshin futjet e pajisjeve në trup).

Në përgjithësi nuk ka simptoma të kancerit të gjirit në fazën 0, megjithëse herë pas here mund të shkaktojë një gungë në gji ose rrjedhje gjaku në thithën e gjirit.

Shkaku i saktë i kancerit të gjirit në fazën 0 nuk është i qartë, por gjendja mund të jetë më e zakonshme te njerëzit që:

- kanë histori personale me kancerin e gjirit
- kanë histori familjare të kancerit të gjirit ose mutacione gjenetike
- kanë lindur pas moshës 30-vjeçare ose nuk kanë qenë kurrë shtatzënë
- u kanë ardhur menstruacionet para moshës 12 vjeç
- kanë përjetuar menopauzën pas moshës 55 vjeç

Faktorë të stilit të jetesës mund të rrisin shanset për të patur këtë gjendje:

- pasivitet fizik
- madhësi e madhe trupore pas menopauzës
- keqpërdorimi i alkoolit
- pirja e duhanit

Për shkak të mungesës së simptomave, kjo fazë mund të zbulohet vetëm përmes kontrolleve rutinë te specialistët.

Artikuj të sugjeruar: