Usher është përmendur në gjyqin e famshëm kundrejt P.Diddy-t. Sipas Dawn Richards, e cila ka akuzuar Sean Diddy Combs për abuzim seksual, Usher ka qenë i pranishëm kur Diddy ka goditur me grusht ish-të dashurën, Cassie-n. Richards tha se në sherr ishin të pranishëm edhe të tjerë persona.
Richard dëshmoi më 16 maj në gjyq, duke pohuar se Combs e ka sulmuar Cassie-n në një restorant në vitin 2010. Incidenti ndodhi në restorant, ku Diddy dhe Cassie po debatonin, kur reperi e goditi në stomak këngëtaren.
"Ajo u përkul menjëherë dhe ai [Combs] i tha të largohej," dëshmoi Richard. "Askush nuk ndërhyri."
Ndër të pranishmit në darkë dyshohet të kenë qenë Usher, Ne-Yo dhe "të famshëm të tjerë" që Richard nuk i përmendi. Pasi dolën nga restoranti, Richard ndodhej në makinë me çiftin kur Cassie i tha Diddy-t se ndihej “e turpëruar” dhe se ai nuk mund të sillej kështu në publik.
“Ai e kapi për fyti dhe e goditi, e qëlloi në gojë,” dëshmoi Richard, duke shtuar se Combs i tha më pas Cassie-s ta mbyllte gojën.
“Diddy i thoshte se e zotëronte. I thashë që duhet të largohej. Cassie dukej shumë e frikësuar. Ajo dëgjonte, por mund ta shihja që e kishte frikë”.
Cassie, nga ana tjetër, ka dëshmuar për disa ditë radhazi në gjykatë. Ajo cilësohet si një dëshmitare kyçe në gjyqin për shantazh, përdhunim dhe trafikim seksual që po zhvillohet kundrejt Diddy-t, ndërsa reperi i mohon me forcë akuzat.
Artikuj të sugjeruar:
- Sy i nxirë dhe maviosje: Fotot e Cassie pas dhunës nga P. Diddy bëhen publike
- Mendohet se P.Diddy mund të “përfitojë” nga shtatzënia e Cassie-t, por si?
- Burri i Cassie-t flet për herë të parë pas katër ditëve dëshmie për Diddy-n
- Gjyqi i Diddy-t: Cassie tregon pasojat e “festave të çmendura seksuale” të reperit
