Mediat kanë publikuar fotot tronditëse të lëndimeve që Cassie Ventura dyshohet se ka pësuar nga dhuna e ushtruar nga ish-partneri i saj, Sean “Diddy” Combs. Këto imazhe u paraqitën si prova javën e kaluar gjatë gjyqit që po zhvillohet ndaj reperit.
Në foto shfaqet Cassie me mavijosje në shpinë dhe kofshë, një prerje të thellë mbi vetull, si dhe buzë të enjtura nga goditjet.
Në disa prej imazheve, këngëtarja shihet duke mbajtur syze të mëdha dielli, në përpjekje për të fshehur dëmtimet.
“Kjo jam unë. Kam vënë syze të mëdha dielli… sepse kisha një sy të nxirë poshtë. Po përpiqesha ta mbuloja,” dëshmoi Cassie në sallën e gjyqit. Ajo është aktualisht 41 vjeç, e martuar dhe shtatzënë me fëmijën e saj të tretë.
Dy nga fotot janë bërë nga nëna e saj në dhjetor të vitit 2011. Në to, Cassie ka mavijosje të dukshme në pjesën e poshtme të shpinës dhe në kofshën e djathtë, lëndime që, sipas saj, ndodhën pasi P.Diddy zbuloi marrëdhënien që ajo krijoi me reperin Kid Cudi.
Imazhet e tjera, ku Cassie shfaqet me një prerje të thellë në vetull, datojnë nga viti 2013. Ajo thotë se këtë lëndim e pësoi gjatë dhunës që reperi ushtroi në dhomën e tij të gjumit, duke bërë që fytyra t’i përplasej në cepin e krevatit.
Po ashtu. gjatë gjyqit u shfaq edhe videoja e dhunës së vitit 2016, e publikuar për herë të parë nga CNN në maj 2024. Pamjet e kamerave të sigurisë së hotelit tregojnë P.Diddy, duke zvarritur Cassie nëpër korridor. Në një moment, ai e kap nga pjesa e pasme e kokës, e përplas në tokë dhe e godet disa herë me shqelma, para se ta tërheqë përsëri zvarrë, duke e mbajtur nga kapuçi i trikos.
Më shumë rreth gjyqit:
- Mendohet se P.Diddy mund të “përfitojë” nga shtatzënia e Cassie-t, por si?
- Burri i Cassie-t flet për herë të parë pas katër ditëve dëshmie për Diddy-n
- Gjyqi i Diddy-t: Cassie tregon pasojat e “festave të çmendura seksuale” të reperit
- A është abuzuar seksualisht nga P. Diddy? Justin Bieber përgjigjet për herë të parë
