Kylie Jenner është aktualisht duke kryer arratisjen e saj tropikale, ndërsa ne të tjerët rrimë në shtëpi dhe presim ndonjë shpëtimtar të na ftojë në pushimet e tyre super luksoze. Ëndrrat falas janë.
Dhe meqë ra fjala te ëndërrimet, komentuesit e Kylie-t së fundmi kanë vënë në punë imagjinatën e tyre më shumë se kurrë dhe janë të bindur se fotoja e fundit që postoi ajo, ishte Kylie e bërë nuse.
Postimi i saj me fustanin e shkurtër të bardhë i la njerëzit të bindur se ajo po na tregon me lezet se është gati për t'u bërë sërish një grua e martuar, ndërsa gjërat bëhen gjithnjë e më serioze me Timothée Chalamet.
Disa nga komentet thoshin:
"Me të vërtetë mendova se ajo u martua dhe ky ishte fustani ikonik i nusërisë."
"Po jep ndjesinë E SAPOMARTUAR."
"Mendoj se kjo është një parapërgatitje [për martesë]."
"Për një moment mendova se po e postonte këtë për dasmën e saj!"
"Fustan nusërie i vogël dhe i lezetshëm."
Sa i përket Kylie-t dhe Timmy-t, ende nuk është raportuar për ndonjë fejesë. Por, më në fund ata u shfaqën zyrtarisht në tapetin e kuq dhe një burim i tha së fundmi Us Weekly se ata praktikisht po jetojnë bashkë me kohë të plotë.
"Kylie është vërtet e lumtur dhe e lehtësuar që më në fund bënë daljen e tyre zyrtare si çift", tha burimi i brendshëm. "Kshte ardhur koha dhe ajo donte ta mbështeste publikisht Timothée-n dhe të tregonte sa krenare është për të. Ajo dhe Timothée e kanë marrë shumë seriozisht dhe ky ishte një hap i madh."
"Gjithçka po shkon shumë mirë," shtuan ata. "Ajo është krenare që i qëndron pranë dhe ndjeu se ishte koha e duhur për të ndarë atë pjesë të marrëdhënies së tyre. Ata janë në një pozicion shumë të mirë. Ai e bën të ndihet e qetë dhe e sigurt dhe është një marrëdhënie e ndryshme nga ajo që ka pasur në të kaluarën. Ata praktikisht jetojnë së bashku në këtë pikë, pasi ai qëndron shpesh në shtëpinë e saj kur nuk punon. Ai është integruar plotësisht në jetën e saj."
Me këto ritme, duket se s'do të jetë e largët koha kur ta shohim Kylie-n me një fustan të vërtetë nusërie.
Artikuj të sugjeruar:
- Ajo që prisnim ndodhi! Më në fund, Kylie dhe Timothée shfaqen bashkë në tapetin e kuq
- Parashikojmë që këto këpucë me takë që veshi Kylie Jenner të bëjnë *namin* këtë verë
- Khëm-khëm! Mamaja e Timothée Chalamet flet për raportin e saj me Kylie
- Kemi një të dashur xheloze! Kylie e paska ndaluar Timothée-n të filmojë skena seksi
- Kylie Jenner guxoi të bënte një shaka dhe interneti iu vërsul menjëherë
