Stresi konfirmoi martesën dhe foli për dashurinë si kurrë më parë
Kohët kur Stresi dukej se ishte i dhënë vetëm pas karrierës kanë marrë fund. Së fundmi, reperi konfirmoi se martesa dhe krijimi i familjes janë në planin e tij.
Në një tryezë plot të rinj, mes pyetjesh pa filtra dhe batutash spontane, i ftuar në “Jo veç kullera” nga Andale Media, Stresi konfirmoi martesën, por edhe më shumë se kaq — ai tregoi anën e tij më të butë, më romantike, më të sinqertë ose më prej... Binjaku, siç i vunë në dukje dhe vajzat.
“Çunat e këqij dashurojnë me zemër,” tha ai.
Kur u pyet për rikthimin me Kejsin, dhe planet për martesë, Stresi nuk hezitoi në përgjigje:
“[Martesa] Do të ndodhë aq shpejt sa s’jua merr mendja ndoshta.”
Kaq e thjeshtë, kaq e prerë.
Jona Spahiu shpërndan dashuri: Shtatzënë për herë të dytë
Moderatorja e njohur, Jona Spahiu, ka ndarë me ndjekësit e saj një moment të veçantë në rrjetet sociale, duke zbuluar se është shtatzënë për herë të dytë.
Ajo postoi disa foto bardh e zi, ku shfaqet duke luajtur me djalin e saj, Raiden, në kopsht. Në këto imazhe, barku i saj i rrumbullakosur është i dukshëm, duke konfirmuar lajmin e ëmbël.
Jona dhe partneri i saj, Frenkli, u bënë prindër për herë të parë në vitin 2018, kur sollën në jetë djalin e tyre, Raiden. Ata janë një çift i dashur për publikun dhe shpesh ndajnë momente të bukura familjare në rrjetet sociale.
Einxhel Shkira bëhet nënë për herë të dytë *.*
Moderatorja dhe ish-banorja e “Big Brother VIP”, Einxhel Shkira ka sjellë në jetë bebushin e saj të dytë. Lajmin e bukur e bëri të ditur vetë ajo përmes një postimi në Instagram.
Në videon e publikuar, Einxhel shfaqet me vogëlushin e sapolindur, ndërsa pranë saj ndodhet Dagz dhe djali tjetër i tyre, Trev.
“Dhe një Zemër më shumë! Faleminderit Zot!”, shkruan ajo krah videos.
Sipas detajit në video, Einxhel e ka sjellë në jetë bebushin e dytë, më 10 prill, por duket se priti pak kohë derisa e ndau këtë lajm me të gjithë.
Pas proteinave dhe ‘nuses me lekë’, Xumi e mbyll me diplomaci konfliktin me Ledionin
Kjo javë la pas një konflikt, deri diku argëtues, mes Xumit dhe Ledionit.
Pas batutës për proteinat dhe një reagimi me shumë nerv, Xumi zgjodhi të tregohej diplomat – duke deklaruar publikisht se… s’ka asnjë hatërmbetje.
Në një prononcim për Bordo, ai tha:
“Kam pasur shumë punë realisht. I kam thënë dhe Ledionit dhe produksionit që kam pasur jashtëzakonisht shumë punë. Nuk kam mundur të ha bukë e jo më të jem aty. Por me shpirt aty kam qenë.”
Madje, ai theksoi se mes tyre mund të ketë edhe ndonjë bashkëpunim në të ardhmen. Tani mbetet të shohim nëse këtë verë do të kemi ndonjë projekt të përbashkët mes Xumit, Ledionit dhe Sarës.
Momenti që na shpëtoi: Beatriçe Gjergji, partneri i saj dhe puthja romantike në Eurovision
Sqarim paraprak: Jo, Beatriçe dhe Kola nuk janë të martuar!
Gjatë kësaj jave, Eurovisioni ishte kryefjalë në Shqipëri, ndaj rrjedhimisht edhe Shkodra Elektronike që na përfaqësoi në këtë kompeticion. Fatkeqësisht, nuk fituam Eurovisionin, por megjithatë, morëm prej tij disa momente emocionuese.
Pas kualifikimit në Finale, një tjetër çast u bë viral: Beatriçe Gjergji, vokalistja karizmatike e grupit, u përqafua dhe u puth me partnerin e saj, muzikantin Italian, Marcello Batelli.
Edhe pse marrëdhënia e tyre nuk ka qenë shumë e komentuar publikisht, Marcello është parë shpesh pranë Beatriçes në koncerte dhe evente muzikore.
Fitoi dashuria!
Gjesti përshëndet Eglin me një këngë paaak të çuditshme
Gjesti vijon të na konfuzojë më qëndrimin e tij të paqëndrueshëm në raport me Eglin. Në një intervistë për emisionin "Goca dhe Gra"ai tha:
“Më mungon (koha me Eglin). Por, tani jashtë, ne e kemi një lloj marrëdhënieje, që edhe ajo me punë të veta është, unë me punët e mia, të dy të zënë.
Ndonjëherë ndahemi, ndonjëherë pajtohemi, i kemi punët tona, por e kuptoj për shkak të ngarkesës.”, tha ai.
Kjo përgjigje lë të kuptohet se dyshja, deri diku, kanë të njëjtën marrëdhënie si në shtëpi.
Gjërat dukeshin mirë, derisa Gjestit iu kërkua t'i dedikonte një këngë Eglit. Ai zgjodhi pikërisht këngën e Ermal Fejzullahut “E shkuar e harruar”, që në thelb i këndon një dashurie të shkuar.
“I kënaqur jam për ditën kur të kam njohur”, këndoi ai.
Raporti mes tyre? Mbetet enigmë!
