Justin Bieber ka thyer heshtjen lidhur me thashethemet se ai është viktimë seksuale e Sean “Diddy” Combs.
Një përfaqësues i yllit të popit i tha TMZ të enjten, më 14 maj:
"Edhe pse Justin nuk është midis viktimave seksuale të Diddy-t, ka njerëz që u dëmtuan vërtet prej tij. Zhvendosja e fokusit nga ky realitet shpërqendron vëmendjen që këto viktima me të drejtë meritojnë."
Spekulimet se Justin Bieber është abuzuar seksualisht nga Sean “Diddy” Combs janë rikthyer në internet, pasi disa video ku ai shfaqet nën shoqërinë e P. Diddy u bënë virale. Videot janë regjistruar që nga koha kur këngëtari ishte ende adoleshent, rreth pesëmbëdhjetë vjet më parë. Kjo afërsi mes tyre krijoi aludime se edhe Bieber mund të ishte në mesin e personave të abuzuar nga P. Diddy.
Burime i thanë TMZ se këto dalje publike ishin për të krijuar “zhurmë”, teksa Justin ishte ende në fillime të karrierës së tij, por mes dyshes nuk ka pasur asgjë më shumë, por vetëm miqësi.
TMZ raportoi gjithashtu se sipas burimeve konfirmohet se Diddy nuk e ka abuzuar kurrë seksualisht ose në ndonjë mënyrë tjetër Justin.
Justin Bieber Not a Victim of Diddy | Click to read more ?https://t.co/eQYWwC3LbW
— TMZ (@TMZ) May 15, 2025
Thënë shkurtimisht, Justin ka mohuar në mënyrë kategorikepërmes përfaqësuesve/menaxherëve të tij se është abuzuar seksualisht apo emocionalisht nga P. Diddy, duke theksuar se mes tyre ka pasur vetëm miqësi shumë vite më herët.
Akuzat kundër Sean Diddy Combs
Reperi, muzikanti dhe producenti akuzohet për trafikim të qënieve njerëzore, abuzim seksual dhe përdhunim. Gjyqi i tij filloi të hënën, më 12 maj, ku u dëshmuan një sërë aktesh tronditëse.
Më shumë rreth akuzave ndaj P. Diddy:
