A keni menduar ndonjëherë pse disa njerëz nuk mund t’i rezistojnë dot dëshirës për të shpenzuar? Teksa disa përpiqen të kursejnë me çdo kusht, disa të tjerë që duken sikur kanë lindur për të harxhuar. Ata janë ata shpirtra të lirë që jetën e duan në maksimum, pa shumë llogari, dhe mesa duket, shenja e tyre e horoskopit ka ndikim të madh në këtë sjellje.
Cilat nga shenjat shpenzojnë më shumë:
Luani
Luanët janë liderë të lindur dhe shpesh tërhiqen nga bota e luksit. Ata adhurojnë rrobat e shtrenjta, markat e famshme dhe gjithçka që i bën të ndihen të rëndësishëm – edhe nëse dalin jashtë buxhetit. Jo vetëm që shpenzojnë për veten, por edhe për të tjerët, sepse duan të bëjnë përshtypje apo të tregojnë bujari. Fatkeqësisht, stili i tyre i jetesës shpesh nuk përputhet me të ardhurat reale.
Peshorja
Peshoret janë të apasionuara pas të bukurës dhe harmonisë dhe kjo reflektohet edhe në zakonet e tyre financiare. Pëlqejnë të investojnë në zbukurimin e shtëpisë, evente sociale apo aktivitete artistike. Por problemi qëndron tek dëshira për perfeksion: shpesh shpenzojnë më shumë sesa lejohet, duke e humbur balancën që përndryshe e vlerësojnë aq shumë.
Shigjetari
Shigjetarët janë eksplorues të lindur. Për ta, përvojat vlejnë më shumë se çdo objekt material. Ata janë gjithmonë gati për një udhëtim të papritur apo një eksperiencë të re, gjë që shpesh i bën të shpenzojnë pa e menduar gjatë. Por kjo mënyrë jetese kërkon një buxhet të qëndrueshëm diçka që Shigjetarët nuk e marrin gjithmonë parasysh.
Burimi: Marie Claire
