Celebrity

Gjyqi i Diddy-t po na tregohet përmes skicave dhe jo fotove, por pse?

Shkruar nga Anabel

15 Maj 2025

Gjyqi i Diddy-t po na tregohet përmes skicave dhe jo fotove, por pse?

Gjyqi i Diddy-t është një prej temave më të nxehta të momentit, pasi të gjithë e shohin me shumë interes çështjen tronditëse të një prej njerëzve me më shumë ndikim në industrinë e muzikës. Themeluesi i “Bad Boy Records” është arrestuar në shtator të vitit të kaluar, pas padive të shumta për abuzim, përdhunim, shantazh dhe trafikim seksual.

Ecuria e gjyqit po i tregohet publikut jo përmes fotove (ndryshe për shembull nga gjyqi Amber Heard – Johnny Depp), por nëpërmjet skicave që paraqesin veprime të Diddy-t dhe të pjesëmarrësve të tjerë në gjyq. Por pse shohim vetëm skica dhe jo pamje të vërteta nga gjyqi i shumëpërfolur?

Gjykatat Federale ndalojnë kamerat

Rasti i Diddy-t po zhvillohet në gjykatë federale, ku është e ndaluar përdorimi i kamerave, regjistrimeve video apo transmetimeve direkte. Kjo është një rregullore e kahershme në gjykatat federale amerikane, për të mbrojtur privatësinë e personave të përfshirë dhe për të siguruar një proces të drejtë gjyqësor, si dhe për të shmangur spektaklin mediatik brenda sallës së gjyqit.

Përdorimi i skicuesve gjyqësorë

Pasi kamerat nuk lejohen, skicuesit e sallave të gjyqit janë aty për të dokumentuar vizualisht procesin. Skicat i japin publikut një pamje të asaj që ndodh brenda gjykatës, duke respektuar rregullat strikte të saj.

Gjykata shtetërore VS Federale

Në disa gjykata shtetërore në SHBA, kamerat lejohen në raste të veçanta, por gjykatat federale janë shumë më të rrepta dhe pothuajse gjithmonë i ndalojnë kamerat, sidomos në çështje të ndjeshme si trafikimi seksual, përdhunimi etj, si dhe në procese të tilla që përfshijnë personazhe të njohura si Diddy.

Disa nga skicat që kanë dalë nga gjykata federale