Kim Kardashian dëshmoi në gjykatë pothuajse nëntë vjet pas grabitjes në Paris, ku iu vodhën miliona dollarë bizhuteri.

Ylli i “The Kardashians” tha të hënën në gjykatë se kishte frikë se do përdhunohej dhe do vritej gjatë grabitjes së tmerrshme që ndodhi në vitin 2016.

“Ai më kapi nga këmbët dhe më tërhoqi. Isha lakuriq dhe çdo pjesë e trupit tim ishte e ekspozuar. Ishte e sigurt për mua se do më përdhunonin,” dëshmoi Kim.

Kardashian dëshmoi gjithashtu se kishte menduar se motra e saj, Kourtney Kardashian, do të kthehej në hotel dhe do ta gjente të vdekur.

2016

“Mendova se do isha e vdekur në shtrat, e qëlluar për vdekje dhe që ajo do ta mbante këtë kujtim përgjithmonë,” tha ajo.

Kur gjykatësi David De Pas e pyeti nëse kishte pasur frikë për jetën e saj, Kim u përgjigj:

“Absolutisht, mendova se do vdisja.”

Në mars të këtij viti u raportua se Kim, tani 44 vjeç, do të kthehej në Paris për të dëshmuar, pothuajse një dekadë pas grabitjes me armë që ndodhi në dhomën e saj të hotelit Hôtel de Pourtalès.

“Znj. Kardashian po rezervon dëshminë e saj për gjykatën dhe jurinë dhe nuk dëshiron të japë më shumë komente për momentin,” thanë avokatët e saj.

Grabitja ndodhi në tetor 2016, kur Kim, nënë e katër fëmijëve, ndodhej në Paris për Javën e Modës. Ajo po qëndronte në hotel, me një rrobëbanjë të vetme veshur, kur disa persona të armatosur që u shtirën si policë hynë në dhomën e saj, e lidhën dhe e mbyllën në vaskë, përpara se të iknin me bizhuteri me vlerë 10 milionë dollarë — përfshirë unazën e martesës prej 4 milionë dollarësh që kishte marrë nga bashkëshorti i atëhershëm, Kanye West.

Në një intervistë me David Letterman në vitin 2020, Kim kujtoi momentin kur dy grabitës hynë në dhomën e saj me portierin, të cilin e kishin prangosur.

“Ata bërtisnin në frëngjisht dhe unë thjesht u ngrita – dhe ata vazhdonin të thoshin ‘Unaza. Unaza,’” kujtoi ajo.

Themeluesja e Skims tha se ia dha grabitësit unazën me diamant, por më pas ai e kapi dhe e tërhoqi drejt vetes.

“Mendova: ‘Ok, ky është momenti. Do më përdhunojnë. Është e pashmangshme. Përgatitu,’” kujtoi ajo e prekur. “Më pas më lidhën me pranga, me zinxhirë plastikë dhe më ngjitën gojën dhe sytë me shirit ngjitës.”

Kim u lut që grabitësit ta linin të gjallë për shkak të fëmijëve, burrit dhe familjes së saj.

Yunis Abbas

Pasi ata u larguan, Kim arriti të lirohej dhe të kërkonte ndihmë. Më pas u mor në mbrojtje nga policia franceze dhe u dërgua në aeroportin Paris-Le Bourget, ku u largua me avion privat nga vendi.

Për grabitjen u arrestuan 10 persona, përfshirë organizatorin kryesor, Yunis Abbas. Policia e konsideroi ngjarjen një "punë nga brenda".

Në një intervistë të vitit 2022, Abbas nuk tregoi pendesë për krimin dhe fajësoi postimet ekstravagante të Kim-it në rrjetet sociale si arsye për grabitjen.

Artikuj të sugjeruar:

_{Burimi: Page Six}