Gjyqi i Sean 'Diddy' Combs, këngëtari i akuzuar për trafikim seksual, abuzim dhe përdhunim, sapo ka filluar. Ditën e parë, gjatë seancës gjyqësore dëshmoi punonjësi i seksit, Daniel Phillip, i cili përshkroi detaje rrëqethëse të takimit të tij me reperin.
Sipas tij, ish-partnerja e Diddy-t, Casandra/Cassie Ventura, e pagoi që të bënte seks me të, ndërsa Combs qëndronte në cep të dhomës, duke e parë dhe duke u masturbuar. Ai dëshmoi gjithashtu se e pa Diddy-n teksa tregohej i dhunshëm ndaj Cassie.
Detajet e dëshmisë së tij ishin me sa duket të padurueshme për vajzat e Diddy-t, 19-vjeçaren Chance Combs dhe binjaket 18-vjeçare, D'Lila dhe Jessie Combs, të cilat dolën nga salla e gjyqit dy herë radhazi.
Prokurorët gjithashtu treguan në gjykatë një video të kamerës së sigurisë të vitit 2016 që shfaqte P.Diddy-n duke dhunuar barbarisht Cassie. Në video, ai shfaqet duke e rrëzuar dhe duke e goditur me shqelma. Megjithatë, gjatë shfaqjes së këtij fragmenti, vajzat e të pandehurit, si dhe nëna e tyre, Janice Combs, ishin të pranishme.
Ky episod nxjerr në pah pasojat që një krim mund të ketë jo vetëm mbi viktimat e tij, por edhe mbi familjen e autorit të dyshuar.
Sipas dëshmive në posedim të prokurorëve, reperi kërcënoi, abuzoi dhe detyroi gra dhe burra të ndryshëm që të "kënaqnin dëshirat e tij seksuale".
Avokati i tij iu përgjigj akuzave duke e përshkruar atë si "një njeri të pafajshëm që nuk ka asgjë për të fshehur”, ndërsa e konsideroi të gjithë sagën gjyqësore si të padrejtë.
Nga ana tjetër, ish-partnerja e tij, Cassie, ishte personi që ngriti padinë e parë kundër tij, në nëntor të vitit 2023, duke e akuzuar për abuzim seksual dhe fizik. Konkretisht, ajo pretendoi se për më shumë se dhjetë vjet ishte përdhunuar dhe rrahur vazhdimisht nga P.Diddy.
Artikuj të sugjeruar:
