Gisele Bündchen na ngrohu zemrat pasi publikoi fotot e para të djalit të porsalindur për Ditën e Nënës, duke treguar se ndonjëherë, momentet e bukura nuk ndahen, por thjesht përjetohen.
“Kam qenë e qetë këtu, por shumë e zënë duke jetuar jetën. Ndonjëherë momentet e bukura nuk ndahen, ato thjesht përjetohen. Rishtazi, kam përqafuar ritmin e ngadaltë, lidhjet e vërteta, bukurinë që qëndron në leksionet që vijnë me të qenit në të tashmen”, shkroi ndër të tjera Gisele në mbishkrimin e postimit.
Më tej, foli për humbjen e së ëmës dhe rëndësinë e të qenit nënë:
“Sot, në Ditën e Nënës, veçanërisht më mungon ime më, por e kam zemrën plot. Të jesh nënë është një ndër dhuratat më të mëdha, një rrugëtim që më bën të jem me këmbë në tokë, më mëson dhe më mbush me mirënjohje çdo ditë. Për të gjitha nënat atje, dashuria juaj e formëson botën në një mënyrë që fjalët nuk e përshkruajnë dot. Ju shoh, ju nderoj! Gëzuar Ditën e Nënës! Ju dërgoj shumë dashuri”, e përmbylli postimin Gisele, duke rrëfyer edhe ndjesitë e humbjes së nënës në janar të vitit 2024. E ëma e supermodeles vuante nga kanceri.
View this post on Instagram
Sa i përket lidhjes së saj romantike, Bündchen prej kohësh është në një marrëdhënie me trajnerin e jiu-jitsu, Joaquim Valente. Ajo u lidh me trajnerin pasi u divorcua me ish-bashkëshortin, Tom Brady, në vitin 2022.
Artikuj të sugjeruar:
