Shumë prej nesh e kemi të rrënjosur idenë e marrëdhënieve seksuale si një akt mes dy personave, zakonisht heteroseksualë, ku akti ndodh kryesisht përmes penetrimit vaginal dhe përfundon me orgazmën e të dy partnerëve. Por kjo është vetëm një nga shumë format e kënaqësisë seksuale, jo e vetmja, as më domosdoshmja.
E kemi trajtuar më parë mënyrën si arrihet orgazma përmes seksit vaginal dhe faktorët që mund ta pengojnë. Por tani është koha të flasim për diçka po aq të rëndësishme: orgazmën pa penetrim. Ja disa mënyra konkrete si mund të eksploroni kënaqësinë seksuale përtej penetrimit:
1. Përdorni duart – ose më saktë, gishtat
Trupi i partneres është një hartë që pret të eksplorohet. Prekja e klitorit, lëvizjet delikate dhe lojërat e vogla ndihmojnë në ndërtimin e tensionit erotik. Nëse doni të shtoni emocionin, kërkoni që të mos ju prekë "atje" menjëherë – pritja mund të jetë po aq nxitëse sa vetë veprimi.
2. Mos harroni fuqinë e seksit oral
Gjuha është një nga “veglat” më të forta që kemi dhe mund të dhurojë kënaqësi të jashtëzakonshme. Eksperimentoni së bashku, provoni ritme dhe mënyra të ndryshme. Intimiteti dhe komunikimi janë çelësi për të zbuluar çfarë funksionon më mirë për ju të dy.
3. Angazhoni gjithë trupin
Jo çdo gjë ndodh midis këmbëve. Qafa, shpina, gjoksi, janë zona shpesh “të lëna pas dore” gjatë seksit tradicional, por ato janë pikërisht aty për të ngritur libidon në mënyrën më natyrale. Një puthje në vendin e duhur, një prekje e lehtë, një përqafim i ngrohtë, të gjitha çojnë drejt një orgazme që fillon nga truri dhe përhapet në gjithë trupin.
4. Përdorni lodra seksi
Lodrat seksuale nuk janë vetëm për netët e vetmisë. Përdorimi i tyre gjatë lojës me partnerin mund të sjellë një dimension krejtësisht të ri erotizmi. Jepini kontrollin atij dhe lejoni të “luajë” me trupin tuaj. E paparashikueshmja është shpesh çelësi i eksitimit.
5. “Përkëdheleni” veten – edhe përpara partnerit
Vetëkënaqësia përpara partnerit nuk është tabu – është afrodiziak. Jo vetëm që e ndihmon atë të kuptojë çfarë të pëlqen realisht, por të jep ty më shumë kontroll mbi kënaqësinë tënde. Kur ndihesh rehat me veten, çdo prekje nga jashtë bëhet më e fuqishme.
Burimi: Marie Claire
