Një ngjarje e rëndë ka tronditur Prishtinën mesditën e sotme. Dizajneri i njohur nga Kosova, Festim Isufi, ka humbur jetën pas një akti të dhunshëm që përfshiu edhe partneren e tij, Rina Maloku, e cila mbeti e plagosur.

Ngjarja ndodhi në një nga zonat më të frekuentuara të kryeqytetit, në “Rrugën B”. Bazuar në të dhënat paraprake, raportohet se pas një konflikti, Isufi dyshohet se e ka goditur me mjet të mprehtë të dashurën e tij dhe më pas ka kryer vetëvrasje në rrethana që po hetohen. 

Policia dhe ekipet emergjente mbërritën menjëherë në vendin e ngjarjes. Viktima, 34 vjeç, u shpall i vdekur në vend, ndërsa 30-vjeçarja Maloku është dërguar me urgjencë në spital dhe ndodhet nën kujdesin e mjekëve.