Reperi A$AP Rocky na ka treguar pak për planet e çiftit për emrin e bebit të tretë. Gjatë një paraqitjeje në emisionin “Late Night with Seth Meyers”, reperi tregoi se emri mund të nisë me shkronjën R.
“Dy fëmijët tuaj të parë kanë emra që fillojnë me ‘R’. Ti dhe Rihanna gjithashtu keni emra që fillojnë me ‘R’,” i tha prezantuesi Seth Meyers reperit, emri i vërtetë i të cilit është Rakim Mayers, duke vijuar: “A do të nisë emri i bebit të tretë me ‘R’?”
“Pa dyshim,” u përgjigj reperi i këngës “Kids Turned Out Fine”, duke konfirmuar se emri i bebes do të fillojë me shkronjën “R”.
Rocky dhe Rihanna janë tashmë prindër të dy djemve: RZA, që mbush 3 vjeç gjatë këtij muaji dhe Riot, 1 vjeç.
Riri dhe Rocky konfirmuan se janë në pritje të bebushit të radhës në Met Gala 2025.
Riri tregoi se si po ndihet gjatë shtatzënisë në një intervistë për ET: “Jam mirë, çuditërisht ndihem në rregull dhe jo shumë e ngarkuar për momentin. Në fillim isha pak… e lodhur, por tani jam shumë e emocionuar”.
Artikuj të sugjeruar:
