Pas daljes nga “Big Brother VIP Albania”, Loredana mbajti një qëndrim të përmbajtur për raportin me Jozin, duke u shprehur se “ka marrë një vendim, por nuk dua të shprehem”. Ajo zgjodhi heshtjen dhe deri disa orë më parë, askush nuk dinte gjë...derisa hyri në skenë Jozi.
Ai postoi një urim për ditëlindjen e Loredanës, me një foto të saj me tortë, qiri, vendosi një emoji ylli dhe një zemër në ballë.
Pastaj postoi edhe këtë:
Tani lind pyetja e rëndësishme: Çfarë kënge mund të ketë kënduar Jozi ndërkohë që postonte?
Nëse gjithçka është “ok” mes tyre, me gjasë ka kënduar “Happy Birthday” të Dafina Zeqirit - moderne, pozitive. Por nëse postimi ishte një përpjekje për t’u afruar nga distanca, me pak nostalgji, ka gjasa që në sfond të dëgjohet Kaltrina Selimi me: “Gëzuar ditëlindjen zemra ime/ Shpirti im po të uron/ E di, nuk mund të jem pranë teje, sa herë që ti feston.”
Për momentin, nuk e dimë saktësisht çfarë ka ndodhur mes tyre. Por dimë një gjë: Nëse një djalë poston një foto tënden me tortë, një yll dhe një zemër në ballë – ka 97% mundësi që jeni bashkë.
