Çdo shtëpi e ka ndonjë hall dhe kur duket perfekte! Ja, se mendonim ne se Beckham-ët ishin të përsosur, por në fakt, paskan drama të thella (dhe jo për pronat). Fakti që Brooklyn Beckham nuk u paraqit në 50-vjetorin e ditëlindjes së të atit paska qenë veç maja e ajsbergut. Drama është më serioze dhe familja e tij thjesht “nuk e përballon dot më këtë marrëzi”.
 
Megjithëse burime raportuan se Brooklyn dhe e shoqja, Nicola Peltz, u munduan të takonin David për ditëlindje, Page Six mësoi se çifti nuk bëri ndonjë përpjekje për të qenë në festën e ish-futbollistit të njohur.

 
Brooklyn, 26 vjeç, dhe Nicola, 30, thuhet se janë shumë të lidhur me prindërit e saj miliarderë, Nelson dhe Claudia dhe qartazi, e kanë kanalizuar energjinë dhe kohën e tyre tek ata, duke lënë pas dore Victoria-n dhe David-in.

“Ata nuk po marrin pjesë më në eventet familjare dhe s’e vizitojnë më çiftin Beckham”, tha burimi.

Nicola dhe Brooklyn nuk është parë në publik me familjen e tij që prej Krishtlindjeve.

“Në njëfarë mënyre kjo nuk na çudit, por askush nuk mund ta mendonte se ata vërtet do ta injoronin ditëlindjen e 50-të të David-it, kur kishte kaq shumë aktivitete ku mund të merrnin pjesë ose mënyra për të kaluar kohë me familjen. Sjellja e tyre ka qenë tronditëse,” shtoi burimi.

Brooklyn dhe e shoqja nuk iu bashkuan familjes Beckham as në sfilatën e modës së Victoria-s në Paris në mars të këtij vit.
 
“David dhe Victoria gjithmonë e mbështesin Brooklyn dhe Nicola-n,” tha burimi, “qoftë për nisjen e markës së tij, apo premierën e filmit të Nicola-s. Kjo është vërtet shumë e trishtë.”

“Megjithatë, familja e Brooklyn-it e adhuron atë dhe gjithmonë do të jetë aty për të. Ata thjesht nuk mund të përballojnë më këtë marrëzi. David dhe Victoria vetëm duan që Brooklyn të kujtojë kush është, sepse kjo sjellje nuk është tipike e tij dhe nuk është mënyra si është rritur”, theksoi personi anonim.

Gjithashtu, është përfolur për një përçarje mes Brooklyn dhe vëllait të tij më të vogël, Romeo, për shkak të të dashurës së këtij të fundit, Kim Turnbull, duke pretenduar se Brooklyn kishte pasur më parë një lidhje romantike me të. Por burime të mëparshme i thanë Page Six se kjo nuk është e vërtetë. “Është thjesht një justifikim për të krijuar konflikt,” tha burimi, duke i quajtur thashethemet për vëllezërit “gjepura”.

Artikuj të sugjeruar: