Rihanna dhe A$AP Rocky janë në pritje të bebit nr. 3 dhe po, konfirmimi i shtatzënisë ishte po aq ikonik sa i dy të tjerave. Le ta pranojmë që Rih është thjesht ikonike dhe di gjithnjë ta surprizojë botën.
Nisim nga më e freskëta: Një bark i rrumbullakosur në Met Gala 2025
View this post on Instagram
Ne prisnim me shumë kërshëri se ç’do kishte veshur Rihanna, kur sytë na shkuan te barku i rrumbullakosur. Me një buzëqeshje dhe grim të përsosur, Riri nuk kishte pse të thoshte “jam shtatzënë”. Të gjithë e morëm vesh dhe u surprizuam, ndonëse qarkullonin thashetheme vërdallë.
Më parë, partneri i saj, konfirmoi se ata janë në pritje të një bebushi, në tapetin e Met Gala. “E di, është fantastike. Është koha t’u tregojmë njerëzve se ç’po gatuanim. Jam i gëzuar që të gjithë ndihen mirë se ne jemi shumë të lumtur”, u shpreh ai për AP.
Shtatzënia e dytë: Në Super Bowl Halftime Show 2023
Po pra, Riot, djali i Riri-t dhe A$AP Rocky-t ka qenë pjesë e Super Bowl që pa lindur! Rihanna ka performuar në Super Bowl dhe na mahniti kur u shfaq me një veshje të kuqe nga koka te këmbët dhe me barkun e rrumbullakosur, të cilin e përkëdheli disa herë, për të na treguar se një bebush i ri po i shtohej botës. Një moment ikonik për botën!
Shtatzënia e parë: Alla paparazzi
Riri u fotografua në fund të janarit në rrugët e New York-ut e veshur siç vetëm ajo di: Me një xhup të gjatë rozë, i cili ishte i hapur në pjesën e barkut dhe me xhinse të gjera.
Në fotot e shkrepura nga paparazzi, ajo dukej e buzëqeshur, duke e parë kamerën drejt dhe me vetëbesimin që e karakterizon.
Më pas, erdhi në jetë RZA, djali i saj, emri i të cilit është frymëzuar nga grupi i famshëm Wu-Tang Clan.
View this post on Instagram
Artikuj të sugjeruar:
