Rihanna gjithmonë i zbulon në mënyrë mbresëlënëse shtatzënitë e saj dhe kjo ishte e dukshme që në Super Bowl 2023, ku i tregoi të gjithë audiencës barkun e fryrë.

Edhe një herë, në Met Gala 2025, këngëtarja gjeti momentin e përsosur për të zbuluar se ajo dhe partneri i saj, A$AP Rocky, të cilët kanë dy djem së bashku, do të bëhen prindër për herë të tretë!  Këngëtarja u shfaq në event e veshur me një kostum me vija nga Marc Jacobs që ia theksonte barkun, me një kravatë me pika dhe një kapelë të madhe.

A$AP Rocky kishte mbërritur në event disa orë më parë, pasi ishte një nga bashkëorganizatorët e mbrëmjes këtë vit. Në një intervistë, ai u shpreh i emocionuar për zgjerimin e familjes së tij: “Është një lajm i mrekullueshëm”, tha ai.

Rihanna ka shprehur hapur dëshirën e saj për të pasur më shumë fëmijë. Në intervista të mëparshme, ajo ka thënë se dëshiron të bëhet edhe nënë e një vajze.

Shtatzënia e tretë e këngëtares vjen në një moment që ajo nuk ka qenë aktive në muzikë, por është përqendruar në biznes me linjat “Fenty Beauty” dhe “Savage X Fenty”. Pavarësisht mungesës në skenë, ajo vazhdon të ndikojë fuqishëm në botën e modës, kulturës dhe sipërmarrjes.

Artikuj të sugjeruar: