Drama në familjen Beckham qenka më serioze se ç’mendonim, të paktën kështu thonë burimet. Sipas një personi anonim, në një rrëfim për TMZ, David Beckham nuk donte të festonte ditëlindjen me të birin, Brooklyn dhe bashkëshorten e tij, Nicola Peltz.
Thuhet se çifti udhëtoi drejt Londrës gjatë javës së kaluar, pikërisht për të festuar ditëlindjen e 50-të të yllit të futbollit, megjithatë, kur ata kërkuan të takoheshin para festës, David nuk pranoi. Kështu, ata zgjodhën që t’i dërgonin urimet e tyre David.
Brooklyn dhe bashkëshortja e tij, të cilët u martuan në prill të 2022-shit, mungonin në fotot e festës që Victoria Beckham publikoi në Instagram gjatë fundjavës.
“Duke krijuar kujtime speciale me familjen dhe miqtë,” tha ish-anëtarja e Spice Girls, 51 vjeç, në postim.
View this post on Instagram
Tre fëmijët e tjerë të çiftit — djemtë Romeo dhe 22 vjeç; Cruz, 20 vjeç, si dhe vajza Harper, 13 vjeç, ishin prezentë në fotot familjare. Edhe të dashurat e djemve, Kim Turnbull dhe Jackie Apostel, ishin gjithashtu në fotot e publikuara, ndërsa mungonin vetëm Brooklyn dhe Nicola.
Në prill të këtij viti qarkulluan zëra se Brooklyn ishte zënë me Romeo-n, për shkak se ky i fundit është lidhur me ish-in e të vëllait, Kim Turbull. Pra, kjo supozohet të jetë molla e sherrit.
Brooklyn dhe Peltz gjithashtu nuk morën pjesë në sfilatën e Victoria Beckham në Paris, e zhvilluar gjatë muajit të kaluar, as në festën e parë të David në Miami.
Artikuj të sugjeruar:
