Gëzuar muajin e Eurovsioni-t! Ndërkohë që ethet na kaplojnë dhe shohim që “Zjerm” nga Shkodra Elektronike po pëlqehet shumë, duke u renditur e para në website-n e njohur Wiwbloggs, u hodhëm një sy edhe sondazheve të tjera, në të cilat Shqipëria është prezente.
Sipas votuesve, “Zjerm” nga Shkodra Elektronike renditet në top 10 e vendeve që kanë shanse të fitojnë Eurovision 2025.
Më tej, në sondazhin e vendeve ballkanike, të cilat do të kenë rezultatin më të mirë, Shqipëria rendite te para, e ndjekur nga Greqia. Shqipëria kryeson bindshëm, me 61% gjasa që të ketë rezultatin më të mirë.
Votuesit kanë dhënë verdiktin e tyre edhe për vendet që mendojnë se do të jenë në gjysmëfinalen e parë. Në këtë sondazh, Shqipëria renditet e pesta.
Sa i përket renditjes së “Zjerm” si kënga fituese në Wiwbloggs, po të japim ca detaje të tjera:
Wiwibloggs u ka kërkuar fansave të shprehin mbështetjen e tyre për artistët e preferuar. Në sondazhin e organizuar pas publikimit të këngëve në mars, kanë marrë pjesë 18,951 votues, të cilët kanë zgjedhur këngën e tyre të preferuar për të fituar.
Fituesit e këtij sondazhi janë Shkodra Elektronike nga Shqipëria, me këngën “Zjerm”, që grumbulluan gjithsej 2,106 vota, përkatësisht 11.11% të totalit. Ky rezultat e ngjit Shqipërinë në majën e listës, pavarësisht se në një sondazh paraprak për gjysmëfinalet, grupi u rendit në vendin e dytë.
Shqipëria renditet e para me 11.11% (2,106 vota)
Më tej, pasohet nga Finlanda – 10.39% (1,969 vota)
Duke u ndjekur nga Suedia– 8.55% (1,620 vota)
Artikuj të sugjeruar:
