Reperi Buta (emri i vërtetë i së cilit është Betim Januzi) dhe gruaja e tij, Fjolla, duket se po përjetojnë një krizë.

Burime për “Prive” kanë bërë me dije se marrëdhënia mes Butës dhe partneres së tij, me të cilën ka edhe një vajzë, Irinën, nuk është në gjendjen më të mirë. Të njëjtat burime, që kanë preferuar të mbeten anonimë, flasin për një krizë që ka prekur çiftin, një gjë që vërehet edhe në rrjete sociale – asnjë foto bashkë dhe nuk e ndjekin njëri-tjetrin në Instagram.

A është kjo thjesht një periudhë e vështirë, apo fundi i një historie që shumica as nuk e dinin se kishte nisur? Rrjetet sociale po presin një shenjë. E derisa të kemi më shumë fakte – spekulimet janë në ajër.

Në shkurt të vitit 2024, Buta ndau me ndjekësit lajmin e bukur se ishte bërë baba. Për lidhjen e Butës dhe Fjollës nuk ka shumë informacion. Reperi publikoi një foto në shtator të vitit 2021 ku tregonte se çifti e kishte kurorëzuar dashurinë.

Fjolla ka qëndruar larg vëmendjes publike dhe llogarinë e saj në Instagram e mban private, ndaj nuk dimë shumë për të, përpos se është nga Ferizaj.