Kylie Jenner është fotografuar së fundmi në Miami, në një pamje që flet qartë për sezonin e ri. E veshur me një fustan minimalist (për nga dukja) nga Jacquemus dhe me një palë sandale me takë prej rafie, Kylie konfirmon edhe një herë se stili veror nuk ka pse të jetë i ndërlikuar për të qenë i bukur.
Sandale me takë prej rafie? Po, ato janë padyshim në qendër të vëmendjes këtë sezon. Me linja të pastra dhe një material që zakonisht e lidhim me çantat e plazhit apo kapelat e kashtës, këto këpucë vijnë këtë verë në versionin më të rafinuar.
Takat janë të larta, por të qëndrueshme; forma elegante, por e lehtë për t’u kombinuar nga mëngjesi në darkë. Ato japin ndjesinë e verës mesdhetare, por pa dalë nga qyteti.
Në një kohë kur gjithçka po rikthehet drejt natyrales dhe teksturave autentike, këto sandale janë një përzierje mes relaksit dhe finesës. Dhe kur një nga personazhet më të ndjekur të momentit zgjedh t’i veshë në një event të profilit të lartë (organizimi që bëri Hailey Bieber për markën e saj Rhode), është e qartë që do të shihen shpesh gjatë verës.
Tani për tani, i pamë te Kylie. Por në pak javë, me siguri do t’i shohim kudo. :)
Artikuj të sugjeruar:
