David Beckham sot mbush 50 vjeç! Ai ka lindur më 2 maj 1975 dhe është një ndër futbollistët më të famshëm dhe me më shumë ndikim.
I cilësuar si një prej lojtarëve të gjeneratës së tij, por edhe një prej futbollistëve më të mirë në historinë e Premier League, Beckham ka bërë historinë, duke fituar 19 trofe në karrierën e tij, si dhe duke luajtur në 4 vende të ndryshme: Angli, Spanjë, Francë dhe SHBA.
Gjithsesi, mund ta pranojmë që Beckham është një ndër ata burra që ne nuk i heqim dot sytë! Ka shumë arsye pse ai konsiderohet shumë seksi dhe fatmirësisht, kemi kohë dhe po i rendisim.
Pamja e tij klasike
Beckham ka një fytyrë joshëse, me tipare simetrike, sy shpotitës dhe duket bukur edhe kur është i shkujdesur. Kështu që, po, është shumë tërheqës. Mendojmë edhe se kur zgjohet nga gjumi është po aq seksi, por presim sa të postojë ndonjë foto Victoria.
Fiziku atletik
Beckham-in e kemi parë gjithnjë në formë! Normalisht, prej profesionit (dhe për të ruajtur statusin si një çun seksi), David duket yll kudo, me çfarëdo që vesh.
Ikonë stili
Zgjedhjet e tij në modë kanë qenë përherë të fuqishme dhe me shumë ndikim.
Ka pasur një periudhë nga vitet 2000 që gjithë çunat seksi i kishin flokët si Beckham dhe ne gocat vdisnim për ta.
Karizmatik dhe me vetëbesim
Ai ka një humor të lezetshëm tipik britanik dhe reflekton vetëbesim. Dhe të gjithë e dimë: të qenit seksi nuk është vetëm çështje dukjeje, por edhe sjelljeje.
Një burrë familjar
Asgjë nuk është më seksi se një baba dhe burrë i përkushtuar. Për fat të mirë, Beckham i ka të dyja, ndaj ne gocat lëmë kokën pas tij.
Theksi
Ahh, mund të flija çdo natë me një podkast nga David! Me natyrën e tij të qetë, zërin e tij të ulët dhe theksin britanik, Beckham është pa diskutim kaq seksi dhe i parezistueshëm!
I sjellshëm
Ju mbahet mend kur ndërroi jetë mbretëresha Elizabeth II? Beckham priti 14 orë për ta nderuar, njëjtë si çdo britanik tjetër, madje shpërndau petulla dhe ujë për qytetarët e tjerë.
Tatuazhet
Ok, këtu s’kemi shumë koment! Mjafton që një burrë të ketë tatuazhe dhe automatikisht bëhet seksi.
I hapur dhe i ndjeshëm
Në intervista të ndryshme dhe në dokumentarin e fundit, “Beckham”, ai tregoi një anë shumë të ndjeshme dhe të çiltër, çka na bëri ta shihnim në një tjetër aspekt. Që nga sfidat me shëndetin mendor, martesën, dashurinë dhe karrierën, ai na tregoi se përpos një fytyre të ëmbël, fshihet një burrë me 1001 sfida dhe me një qasje shumë të sinqertë ndaj tyre dhe publikut.
Një partner mbështetës
Ai është gjithnjë në rreshtin e parë nëpër sfilatat e Victoria-s. Gjithnjë prezent, i buzëqeshur, duke treguar respekt dhe duke u krenuar për gruan e tij. Jo, asgjë nuk është më seksi. Faleminderit!
Artikuj të sugjeruar:
