Sean Diddy Combs nuk ra dakord me marrëveshjen e propozuar nga prokurorët të enjten e 1 majit, tre ditë para gjyqit të tij për trafikim seksual. Gjyqtari Arun Subramanian e pyeti reperin në gjykatë nëse e refuzonte ofertën që i bënë prokurorët federalë dhe P. Diddy u përgjigj se po, e refuzonte.
Sipas ofertës në fjalë, P. Diddy-t do t’i kursehej një dënim më i gjatë në burg, nëse e pranonte se ishte fajtor. Detajet e mëtejshme nuk u bënë publike.
Gjyqi i Combs është planifikuar të nisë të hënën dhe në të do të sqarohen akuzat për shantazh, trafikim seksual, abuzim seksual, përdhunime dhe transportim të personave që përfshiheshin në rrjetin e prostitucionit. Deklaratat dhe dëshmitë nisin nga data 12 maj.
Akuzat pretendojnë se një ndër emrat më të njohur dhe me ndikim të muzikës ka përdorur shantazh dhe dhunë për të bindur gra të ndryshme për të marrë pjesë në “ëhite parties”, festat të cilat përfshinin përdorimin e substancave të ndryshme dhe marrëdhënie seksuale.
P. Diddy rrezikon që të dënohet me burgim të përjetshëm, nëse shpallet fajtor për akuzat që rëndojnë mbi të.
Megjithatë, Diddy duket i qetë, nisur nga dëshmitarët në gjyq. Thuhet se ai hyri i buzëqeshur në gjykatë dhe përshëndeti avokatin e çështjes së ti të ndërlikuar, Mark Geragos.
Reperi i akuzua për trafikim seksual në vitin 2024 dhe më pas, u arrestua në shtator të vitit të kaluar. Më tej, pasuan akuza të tjera, të cilat pretendojnë se për gjatë shumë viteve, reperi ka abuzuar seksualisht me gra dhe burra. Themeluesi i kompanisë së famshme “Bad Boy Records” i ka mohuar akuzat dhe ka deklaruar se është i pafajshëm.
Sipas “The Post”, avokatët e reperit planifikojnë të shtrojnë në gjyq argumentin se P. Diddy në fakt, nuk ishte përdhunues, por praktikonte stilin e jetesës “swinger”.
Swingers - i referohet çifteve ose individëve që angazhohen në marrëdhënie seksuale me partnerë të tjerë me pëlqim të ndërsjellë, zakonisht në kuadër të një stili jetese të hapur seksualisht. Swingers ka të bëjë me çiftet që shkëmbejnë partnerë seksualë.
“Ka një stil jete, quajeni ‘sëingers’ apo si të doni, që ai mendonte se ishte i përshtatshëm sepse ishte i zakonshëm,” tha Marc Agnifilo, një nga avokatët e Combs, në një seancë paraprake në Manhattan më 25 prill.
Dëshmitarë, përfshirë ish-të dashurën e Combs, Cassie Ventura, pritet të dëshmojnë gjatë gjyqit, i cili do të zgjasë 8-10 javë. Këngëtarja e R&B e akuzoi publikisht Combs për përdhunim dhe dhunë në vitin 2023.
Prokurorët shpjeguan në dokumentet e gjykatës se gjatë gjyqit, dëshmitarët do të japin “dëshmi grafike” lidhur me “vite të tëra rrahjesh, maratona seksi të detyruara dhe të nxitura nga droga, dhe përdhunime të shumta”.
Reperi i këngës “I’ll Be Missing You” ndodhet në paraburgim në Brooklyn që nga arrestimi i tij në shtator 2024, pas bastisjeve në rezidencat e tij luksoze në Los Angeles dhe Miami, të cilat zbuluan famshëm armë të tipit AR-15 dhe 1,000 shishe lubrifikantë.
Artikuj të sugjeruar:
