Albumi i Kanye West u hoq papritur nga platformat digjitale muzikore këtë javë.
Të mërkurën, Kanye publikoi për herë të parë albumin “Donda 2”, i cili fillimisht u publikua ekskluzivisht në platformën e tij personale, “Stem Player”, në vitin 2022. Pas më shumë se dy vitesh, albumi u bë më në fund i disponueshëm në platforma digjitale si Spotify, Tidal dhe YouTube Music.
Megjithatë, publikimi nuk zgjati shumë.
Vetëm disa orë më pas, albumi u hoq nga platformat, për shkak të një mosmarrëveshjeje ligjore.
View this post on Instagram
Kanye ndau në X një bisedë me DeAndre “Free” Maiden, menaxher i producentëve Jahmal “Boogz Da Beast” Gwin dhe Brian “AllDay” Miller. Në mesazh kërkohej që albumi të hiqej, me pretendimin se Kanye nuk i kishte paguar për punën e bërë në disa këngë.
“Ne nuk kemi dhënë dhe nuk japim pëlqimin që puna jonë të përdoret në Donda 2 apo në asnjë projekt tjetër të Kanye. Ai na ka borxh para prej gati 3 vitesh, ka refuzuar të paguajë, por vazhdon të vjedhë punën tonë,” thuhej në mesazh.
“Avokatët do ta heqin këtë album brenda një ore,” vazhdonte më tej mesazhi.
Kanye nuk e priti mirë këtë situatë.
“Free Maiden po përpiqet të më kërkojë 3 milionë dollarë për këto beats që ua kam mësuar unë vetë si bëhen,” shkroi ai në përshkrimin e postimit.
Mbetet për t’u parë nëse palët do të arrijnë një marrëveshje për rikthimin e albumit.
Artikuj të sugjeruar:
