Gjatë muajve të fundit, fansat në të gjithë botën kanë admiruar marrëdhënien e Selena Gomez dhe Benny Blanco. Çifti, të cilët u lidhën në vitin 2023, sipas People, njoftuan fejesën e tyre në dhjetor të vitit të shkuar.

Ndërsa dukej se gjithçka po shkonte më së miri, madje duke bashkëpunuar për albumin e suksesshëm "I Said I Love You First", një teori e re po “merr dhenë”. Fansat mendojnë që kanë vërejtur shenja se mes tyre mund të ketë probleme. Ndërsa të gjitha janë vetëm hamendësime, disa prej tyre janë të bindur se diçka serioze po ndodh.

“Benny Blanco tradhtoi Selena Gomez me shoqen e saj të ngushtë”

Blanco, emri i vërtetë i të cilit është Benjamin Joseph Levin, mund të jetë arsyeja pse Gomez kohët e fundit nuk ndjek më Theresa Marie-n, që dikur e përshkruante si shoqen e saj më të mirë. Sipas një artikulli nga Daily Mail, Blanco dhe Marie u panë në një restorant së bashku, por pa Selenën.

Ndërsa ndodhej nën shoqërinë e saj, Blancos iu afrua një fans dhe influencues i njohur në TikTok, Harry Daniels. Ai këndoi një fragment nga hiti i Gomez "Same Old Love". Blanco dukej i kapur në befasi, ndërsa gruaja që ishte ulur përballë tij qeshi. Edhe pse nuk është shumë e dukshme në video, fansat e kanë identifikuar atë si Theresa Marie.

Që nga ky moment, Gomez nuk e ndjek më Marie-n në Instagram. Megjithatë, Marie ende e ndjek këngëtaren. Herën e fundit që Gomez dhe Marie u shfaqën së bashku ishte në një foto në Instagram më 9 mars, në të cilën ato dukeshin se po festonin ditëlindjen e një miku të përbashkët.

Historia ka evoluar që nga ajo kohë, me disa fansa që po spekulojnë se Blanco është abonuar në faqen OnlyFans të Marie-s, gjë që gjithashtu luajti një rol të madh në gjithë këtë dramë.

Sipas Daily Mail, Gomez i dedikoi një postim në Instagram Marie-s në vitin 2019. Asokohe ajo shkruante:

“E takova Theresën pesë vjet më parë. Punuam së bashku dhe u bëmë shoqe të ngushta. Të dua dhe jam shumë krenare për ty.”

Bazuar në një dedikim të tillë, të gjithë supozojnë se raporti i tyre mund të marrë fund vetëm nga diçka serioze.

Mëgjithatë, nuk ka asnjë reagim nga palët e përfshira.

Artikuj të sugjeruar: