Einxhel Shkira ka publikuar videon kur i tregoi partnerit të saj, DJ Dagzit (Arbër Gumnishta) se është në pritje të ëmbël.

Dagzi shfaqet duke mbajtur në krahë djalin e tyre, Trevin dhe Einxhel i tregon zarfin me ekon e bebushit që pritet të vijë në jetë. Më tej, të dy buzëqeshin, përloten dhe emocionohen. Ajo zgjodhi t’ia tregonte lajmin e bukur kur çifti ishte me pushime dhe e xhiroi të gjithë momentin. Dagzi, fillimisht e pyeti nëse ishte shtatzënë dhe më pas i dha një përqafim.

Videoja është e mbushur me puthje dhe shumë dashuri dhe me thënë të drejtën, na i vodhi ca buzëqeshje dhe reagime të ëmbla.

Einxhel dhe Dagzi do të bëhen prindër të një djali tjetër dhe gjininë e bebit e zbuluan në mars. Einxhel shoqëroi postimin e saj në Instagram me fjalët emocionuese: "Nuk nxituam të dinim kush ishe, sepse do të donim pafund. Djalë apo vajzë, nuk ka rëndësi për ne... Ishe në planet tona dhe mezi po të presim mes nesh."

Einxhel dhe Dagz u bënë prindër për herë të parë në vitin 2023 me ardhjen në jetë të djalit të tyre, Trev, i cili tashmë mezi pret të bëhet "vëllai i madh".