Calvin Harris dhe Vick Hope po presin fëmijën e tyre të parë!

DJ-i i famshëm, emri i vërtetë i të cilit është Adam Richard Wiles dhe prezantuesja britanike, Vick Hope, duket se janë në pritje të ëmbël.

Fansat e vunë re barkun e rrumbullakosur të bashkëshortes së Calvin Harris gjatë një interviste të saj me aktoren Florence Pugh, ndërsa më pas ajo e konfirmoi "me stil" përmes një postimi në Instagram më 29 prill – pa fjalë, vetëm një foto ku barku është qartësisht në plan të parë. Në story, ajo thjesht shtoi me shaka: “Po ndodhin shumë gjëra këto kohë.” 

Megjithatë, as Calvin Harris, as Vick Hope nuk kanë komentuar publikisht ende lajmin e bukur.

Ky lajm vjen afërsisht dy vite pas martesës së tyre intime në Angli, në shtator të vitit 2023, pas një viti takimesh nën fshehtësi. Ata u panë për herë të parë së bashku në fillim të 2022-it dhe shumë shpejt nisën thashethemet për fejesë, sidomos pasi Vick Hope u shfaq me një unazë gjigante diamanti në Chelsea Flower Show, dorë për dore me Calvin-in.

Në një intervistë të mëvonshme për Daily Mail, ajo e pranoi se diçka shumë “e çmuar” kishte ndodhur, pa u zgjatur më shumë. Dhe nëse po pyesni veten si nisi gjithë kjo dashuri… epo, Calvin ka qenë i interesuar për Vick që në vitin 2007 – menjëherë pasi publikoi këngën “Acceptable in the 80s”! Ajo nuk ishte gati atëherë, por… kurrë mos thuaj kurrë, apo jo?

Ata e kanë mbajtur lidhjen larg syrit të publikut, por Calvin nuk ka qenë gjithmonë kaq privat.

Kujtojmë lidhjen me Taylor Swift (2015–2016), që s’kaloi edhe aq qetë – veçanërisht pas “dramës” me këngën “This Is What You Came For”, teksti i së cilës u shkrua nga Taylor Swift, por nuk iu dha kjo autorësi. Por në fund, siç tha vetë Calvin Harris: “E vetmja e vërtetë është që një marrëdhënie mori fund. Ajo që mbetet është dashuria dhe respekti.”

Artikuj të sugjeruar:

_{Burimi: Yahoo}