Amal Clooney, avokate e të drejtave të njeriut, mund të dëbohet nga Shtetet e Bashkuara, sipas sanksioneve të reja të propozuara nga presidenti Donald Trump.
Bahkëshortja e George Clooney-t prej 11 vitesh mund të ndalohet të hyjë në SHBA për shkak të punës së saj në Gjykatën Ndërkombëtare Penale, sipas një raporti të bërë publik. Sipas Financial Times, thuhet se ajo i ka ofruar këshilla ligjore gjykatës në një çështje që lidhet me krimet e luftës në Gaza, ku përshihet kryeministri izraelit, Benjamin Netanyahu dhe ministri izraelit i Mbrojtjes Yoav Gallant.
George Clooney është shtetas amerikan dhe çifti, i cili ka dy fëmijë të vegjël, ka pronë në Shtetet e Bashkuara. Ata kanë gjithashtu shtëpi në Londër dhe në Liqenin Komo, Itali. Dyshja jetojnë kryesisht në Francë, por janë zhvendosur përkohësisht në Nju Jork.
Sipas Financial Times, Ministria e Jashtme e Mbretërisë së Bashkuar thuhet se kohët e fundit paralajmëroi avokatët që ofrojnë këshilla ligjore Gjykatës Ndërkombëtare Penale (GJPN), përfshirë Amal Clooney-n, se mund të përballen me sanksione për shkak të një urdhri ekzekutiv të nënshkruar në shkurt nga Donald Trump.
Urdhri ekzekutiv pretendon se gjykata ndërmori veprime të paligjshme dhe të pabazuara kundër Amerikës dhe aleatin të saj të ngushtë Izraelit.
"Gjykata Ndërkombëtare Penale, pa bazë ligjore, hapi hetime paraprake ndaj personelit të Shteteve të Bashkuara dhe disa prej aleatëve tonë, përfshirë Izraelin, dhe abuzoi më tej me autoritetin e saj duke lëshuar urdhër-arreste të pabaza që synonin kryeministrin izraelit dhe ish-Ministrin e Mbrojtjes izraelite."
Urdhri vazhdon: “Shtetet e Bashkuara do të ndërmarrin masa mbi ata që janë përgjegjës për shkeljet e GJPN-së, disa prej të cilave mund të përfshijnë ngrirjen e aseteve, si dhe pezullimin e hyrjes në Shtetet e Bashkuara të zyrtarëve, punonjësve dhe agjentëve të GJPN-së, si dhe të anëtarëve të familjes së tyre.”
View this post on Instagram
Amal Clooney ushtron profesionin si avokate si në Angli ashtu edhe në Shtetet e Bashkuara. Ajo lindi në Liban dhe u rrit në Britani.
Vitin e kaluar, Gjykata Ndërkombëtare Penale lëshoi urdhër-arreste për Netanyahun dhe Gallantin për sulmet e tyre kundër Hamasit në Gaza që lanë dhjetëra mijëra të vdekur.
Artikuj të sugjeruar:
