Milano Design Week është gjithmonë një ftesë për të parë të bukurën nga këndvështrime të reja. Këtë vit, ajo që tërhoqi vëmendjen e vizitorëve ishte një bashkëpunim mes teknologjisë dhe dizajnit që tejkalon format tradicionale. IQOS, në bashkëpunim me markën ikonike italiane Seletti, solli në qendër të vëmendjes Sensorium Piazza, një instalacion që nuk ishte thjesht një hapësirë, por një përvojë.
E ndërtuar si një rikrijim bashkëkohor i piazzas italiane, kjo hapësirë u krijua për të ndryshuar gjatë ditës dhe natës. Në mëngjes, e ndriçuar dhe e ndjerë si një ftesë për të reflektuar. Në mbrëmje, e mbushur me ndjesi të reja, dritë dhe ngjyra që ndryshonin atmosferën. Çdo element ishte i menduar për të përfshirë shqisat; tekstura, ndriçimi, ritmet dhe lëvizja e vazhdueshme.
Kjo ishte mënyra e përkryer për të sjellë në jetë vlerat që ndajnë IQOS dhe Seletti: kurioziteti, evolucioni, dhe guximi për të ndryshuar mënyrën si përjetohet dizajni dhe teknologjia. Instalacioni “Sensorium Piazza” tregoi se një hapësirë mund të jetë më shumë se një vend ndalese, ajo mund të bëhet një rrugëtim.
Në këtë bashkëpunim, Seletti solli gjuhën e tij kreative dhe të guximshme. Ndërsa IQOS i dha frymëzim përmes konceptit të një bote që transformohet, ashtu si teknologjia e tyre që ofron një alternativë për duhanpirësit e rritur që duan të bëjnë zgjedhje më të mira.
Milano Design Week është një festival që ndikon jo vetëm në trendet e dizajnit, por edhe në mënyrën si markat tregojnë historitë e tyre. Këtë vit, një nga historitë më të veçanta u ndërtua mbi kuriozitetin dhe bashkëpunimin duke u jetësuar në formën e një piazze.
