Statistikisht, një nga temat më të kërkuara në internet nga njerëzit është gjumi. Shumë njerëz e kanë gjithnjë e më të vështirë për të fjetur apo bërë një gjumë cilësor dhe sipas një eksperti gjumi nga Universiteti i Oxfordit, ka një arsye më pak të njohur për këtë problematikë: një mit shumë i zakonshëm dhe shkatërrues.

Sipas Vladyslav Vyazovskiy, një nga mitet më të mëdha rreth gjumit është se sa më shumë të përpiqesh ta përmirësosh, aq më shumë e përkeqëson atë.

I pyetur se cila do të ishte këshilla më e madhe e tij për të bërë një gjumë të mirë, Vyazovskiy nuk përmendi as rutina para gjumit dhe as pajisje teknologjike. Përkundrazi, ai tha: “Mos u shqetëso nëse nuk të zë gjumi. Sa më shumë të shqetësohesh, aq më keq fle.”

Ai paralajmëroi edhe për përdorimin e pajisjeve që matin gjumin: “Shumica nuk janë të sakta dhe mund të japin informacion të gabuar, që krijon ide të rreme për sa mirë po fle.”

Gjumi nuk mund të kontrollohet 

Eksperti thotë se nuk mund të “zotërojmë” gjumin dhe përpjekja për ta kontrolluar sjell më shumë dëm sesa dobi. Ky qëndrim mbështetet edhe nga trajnerja e gjumit Camilla Stoddart, e cila në një artikull për The Guardian e krahasoi gjumin me kurthin kinez të gishtave: sa më shumë përpiqesh, aq më pak sukses ke.

Zgjohesh natën? Mos lufto – bëj diçka që të argëton

Përqendrohu në një rutinë me orar të rregullt fjetjeje dhe zgjimi. Dhe nëse zgjohesh natën, bëj diçka që të kënaq: dëgjo një podcast komik, shiko video të vjetra familjare apo luaj një lojë në celular.

Miti më i madh i gjumit: më shumë përpjekje = më shumë gjumë

Në çdo fushë tjetër të jetës, përpjekja shpërblehet. Por kur vjen puna te gjumi, është e kundërta. Po, ndiq këshilla të shëndetshme si shmangia e kafeinës në mbrëmje dhe një ambient i qetë, por nuk mund ta detyrosh gjumin të vijë me forcë apo teknologji.

Në këtë rast, rruga më e shpejtë drejt suksesit është ta marrësh me qetësi.

Artikuj të sugjeruar:

_{Burimi: Inc.}