Jozefin Marku ka reaguar për herë të parë pas largimit përfundimtar nga “BBVA”, që u shoqëruar me një situatë aspak të zakontë. Përmes një Instastory, ai ka sqaruar incidentin me Gjestin, si dhe ka falenderuar këto që e ka mbështetur gjatë dhe pas qëndrimit në shtëpi.
"Dua të falenderoj nga zemra të gjithë popullin shqiptar që më keni mbështetur dhe përkrahur në këtë rrugëtim aspak të lehtë që kalova.
Faleminderit për dashurinë që më dhatë gjatë qëndrimit tim në shtëpi dhe edhe më shumë, jashtë saj.
Mirënjohje për secilin prej jush, si dhe për ekipin e Top Channel, që më dha mundësinë të isha pjesë e këtij formati kaq të dashur për të gjithë ne - një eksperiencë që do mbetet e paharrueshme në jetën time.”, shkruan ai.
Më tej, Jozi është shprehur se veprimi i tij ndaj Gjestit erdhi si pasojë e një sërë provokimesh që i ishin bërë vazhdimisht. Po ashtu, ai ka kërkuar ndjesë për këdo që është prekur nga ajo që ndodhi.
“Ndjesë për këdo që mund ta ketë përjetuar keq atë që ndodhi. Por ju siguroj se presioni, veprat dhe ngacmimet kanë qenë të shumta gjatë gjithë rrugëtimit tim kundrejt meje në atë shtëpi.
Jam provokuar, por në asnjë moment nuk kam zgjedhur të luaj rolin e viktimës.”, shkruan ai.
Së fundmi, Jozi nënvizon se shpesh është ndjerë keq nga veprimet e fjalët që kanë provokuar durimin e tij, ndërsa ka një mesazh për të gjithë.
“Edhe kur fjalët dhe veprimet e rënda më kanë lënduar thellë, kam heshtur, kam duruar... por edhe durimi ka një kufi.
Për të gjithë ata që perpiqen të hedhin baltë mbi imazhin tim, kam vetëm një fjalë:
"Balta që vjen nga llumi, nuk të bën pis.", përfundon ai.
Jozi goditi Gjestin në momentin e largimit të tij nga shtëpia e “BBVA”, duke shënuar një ndër ngjarjet më të rënda që është regjistruar ndonjëherë në këtë format.
Artikuj të sugjeruar:
